[محمود الصاروخ]

السلام عليكم
أعضاء ومشرفين وادارة منتدى بنات مصر



كلاكيت تالت مره والحلقه التالته

( فى الملعب )

اعداد وتقديم / محمود الصاروخ



حلقة النهارده اللى بيميزها ان معايا ضيف يشرفنى جدا ان اكون معاه

شاعر كبير وعنده قدره كامله لكتابة أى شىء وبحترمه جدا

معايا المشرف الجميل

( شاعر الحب الحزين )





( بسم الله نبدأ )

فى البدايه انت متعرفش انا سعيد اد ايه انك معايا ياشاعرنا
وبشكرك جدا على الموافقه انك تكون معايا
( فى الملعب )

أنا أسعد وشرفني وجودي معاك يا كابتن محمود



هبدأ معاك ب كام سؤال كده بره الملعب وان شاء الله تكون اسئله سهله وبسيطه

1- عاوز أعرف منك مين هو ( شاعر الحب الحزين ) اسمك وسنك وعنوانك وبتدرس ايه ؟

ليه هتشوفلي عروسة ههههاي
اسمي خالد عندي 26 سنة الا شهر أنا في عمان في الأردن
لا مخلص دراسة بقالي 10 سنين ما كملتش دراستي بس الحمدلله فاهم الحياة كويس

2- هل لكرة القدم مكان فى حياتك ؟

اه طبعا هي اللعبة المفضلة ليا واكتر لعبة رياضية فيها تنافس

3- أهلاوى ولا زملكاوى ؟ ولو أهلاوى قول كلمه لجمهور الزمالك ، ولو زملكاوى قول كلمه لجمهور الأهلى ؟

أنا زملكاوي من زمان بس الأهلي فريق محترم واكيد جمهور الأهلي زي اي جمهور
بيحب فريقه بس بقول لكل الجماهير شجعوا باحترام من غير سب من غير تعصب
تشجيعكم بيأثر على اللعيبة في الملعب خلوا التشجيع في حدود والهتاف بروح وحدة

( الله عليك ياخالد )

4- ما رأيك فى فكرة برنامج فى الملعب ؟

فكرة جميلة وعاملة جو مختلف وبتدعم كرة القدم في المنتدى
خصوصا مع التداخلات السياسية بتغير نهج
وهو البرنامج الوحيد في الرياضة ف المنتدى
ربنا يوفقك يا كابتن محمود

( حبيبى ياخالد باشا ربنا يكرمك )



( ثانيا اسئله عن الرياضة المصرية )

1- مارأيك فيما يحدث للكورة المصرية حاليا ؟ وهل تتوقع ان تعود الكورة المصرية لوضعها الطبيعى ؟

الفرق المصرية كلها بتلعب مش بس زمالك وأهلي بس دخول أمور تانية ف الكورة
المصرية وتأجيل الدوري ل 22 مارس وعقوبات بتأثر سلبيا على المستوى
الإتحاد المصري لكرة القدم عنده الجواب لازم يتم دعم الفرق وتوفير مناخ مناسب للاعبين

2- ما رايك فى نقل مباراة الزمالك القادمه فى الكونفدراليه الى الجونه ؟ وهل نقل المباراة يأثر على الزمالك ؟

نقلوها عشان المؤتمر الاقتصادي بس الزمالك رحب بنقل المباراة
مع ان ستاد القاهرة احسن بس اللعيبة مش هيأثر عليهم اي حاجة
بس الجمهور لسه عنده حالة من القلق بعد اللي حصل ف الدفاع الجوي

3- ما رأيك فى تولى حسن شحاته المهمه من جديد ؟ وهل تتوقع ان يعود بالمنتخب من جديد ؟

حسن شحاتة هو الإختيار الصح
اي نعم هو فشل في التأهل لأمم أفريقيا 2012 بس
حقق كأس افريقيا 3 مرات مع المنتخب وخبرته التدريبية اكبر من اي حد تاني

4 - ما رأيك فى شريف اكرامى حارس الأهلى ، وأيضا احمد الشناوى حارس الزمالك ؟

الاتنين حراس كبار شريف حارس ممتاز والشناوي بيسير على خطى عبد الواحد السيد

5- لو انت موجوده فى اتحاد الكورة تختار مين يكون مدرب للمنتخب ( طارق العشرى أم حسن شحاته أم حسام حسن أم حسام البدرى ) ترشح مين ؟

حسن شحاته طبعا مع احترامي للباقيين هو قادر على التعامل مع اللاعبين
وحقق انجازات مع المنتخب قبل كده

6- ما رأيك فى أداء محمد صلاح فى نادى فيورنتينا الإيطالى حاليا ؟

اداءه مع فيورنتينا افضل من اداءه مع تشيلسي بكتير
لعيب عنده لمسات جميلة في الملعب ربنا يوفقه

7- برأيك من هو أحسن لاعب فى مصر ؟ وأيضا أحسن مدرب ؟

محمد صلاح واحسن مدرب حسن شحاته



( ثالثا اسئله عن الرياضه العربيه والخليجيه )

1- ما رأيك فى الكورة السعودية بشكل عام ؟ وماهو أفضل نادى سعودى حاليا ؟

الكورة السعودية في تطور افضل نادي الأهلي الليث الأبيض

2- ماهو اللاعب المفضل لديك عربيا وخليجيا ؟

في كتير لاعبين مميزين بس الأفضل يونس محمود

( الله عليك ياخالد انا بعشق لعب يونس محمود نجم منتخب العراق )

3- ماهو أقوى دورى عربى برأيك ؟

الدوري السعودي

4- مارأيك فى نادى الهلال السعودى بشكل عام ؟

اوراقه متخربطة ما بين استقالات واداء سلبي

5- برايك من المرشح رقم واحد للحصول على دورى عبداللطيف جميل السعودى هذا الموسم ؟

الأهلي

6- برأيك ماهو المنتخب الذى يقدم كرة قدم عربيه جميله وممتعه حاليا ؟

المنتخب الجزائري الشقيق

7- مارأيك فى نادى وفاق سطيف الجزائرى الذى حقق فوز على النادى الاهلى فى نهائى كاس السوبر ؟

نادي كبير رغم ان الأهلي افضل بس وفاق سطيف فريق كبير



( رابعا اسئله عن الرياضه العالميه )

1- ماهو فريقك المفضل فى أوروبا ؟

ريال مدريد

2- برأيك من الأفضل ( اليوفى ) أم ( الأنتر ) فى هذا الموسم ؟

يوفنتوس دايما بيغلب انتر ميلان اليوفي اكتر فريق هزم انتر في الدوري اليوفي افضل

3- من تفضل ( ميسى ) أم ( الدون رونالدو ) أم ( الملك توتى ) ؟ ولماذا ؟

رونالدو لعيب كبير

4 - مارأيك فى الدورى الإيطالى ؟ وأيضا الدورى الأسبانى وأيضا الدورى الإنجليزى ؟ وماهو أقوى دورى ؟

الدوري الإنجليزي هو الأقوى الدوري الإسباني قوي بس فيه سيطرة للفرق الكبيرة
بتفقد الدوري متعة المشاهدة وعلى نفس حاله الدوري الإيطالي

5- برأيك ما الفريق المرشح للحصول على دورى أبطال أوروبا هذا الموسم ؟

صعب الحكم على البطل ممكن نشوف مفاجآت

6- ما رأيك فى نادى فيورنتينا الإيطالى الذى انتقل اليه نجم مصر محمد صلاح ؟

فريق لعبه حلو ومحمد صلاح عمل نقلة في الفريق

7- من هم أفضل ثلاث لاعبين فى العالم برأيك ؟

رونالدو وميسي ونوير حارس المانيا

( نوير حارس عملاق ياخالد واحلى حاجه بتعجبنى فيه انه بيغطى منطقة الدفاع كامله )

8 - برأيك ماهو المنتخب الذى يقدم كرة قدم عالميه جميله وممتعه حاليا ؟

المنتخب الألماني

( كلمه أخيره )
مساحه قول فيها رأيك فيما يحدث للرياضه المصريه فيما لا يقل عن 5 سطور

يعني الكلام مش هيحل ولا يربط الرياضة المصرية بكل حالاتها محتاجة دعم
من اتحاد الكرة وهتوصل لأفضل مستوى على مستوى العالم
ان شاء الله يرجع التألق وترجع الرياضة المصرية في افضل حالاتها بس
ده كله بيرجع للوضع الحالي اللي صايب البلد ومأثر على نشاطات كتير
اللي جاي احسن ان شاء الله

نورتنى خالد باشا بالتوفيق ان شاء الله


نورك يا كابتن محمود

اشكرك للبرنامج الجميل

ربنا يوفقك



وصلنا لـ نهاية الحلقه واتمنى انها تعجبكوا جميعا

إنتظرونا قريبا مع عضو جديد

من برنامج

( فى الملعب )

ılıılılıılılılıılılıılılıılılıılılıılılıılılıılılıılılıılıl

خالص حبى
محمود الصاروخ