[كبريت]

السلام عليكم



لقيت مشاركة شعريه من الشعر الجاهلي القديم
مكتوبة بشكل
خلاني بجد فطسان ضحك
خلاني افكر اخترع نوع جديد من الشعر

ويمكن ادخل موسوعة جينيس او حتى جيمس بوند
المهم ندخل وخلاص


لقيت الكلام ده مكتوبة بمدونة همسات فوق القمر مع تعليقها عليه


اهو

أزج زلوج هزرفى زفازفُ

هزف بيذ الناجيات الصوافنا

وده من عيوب الشعر الجاهلى

عمال يوصف سرعة حصانه لما اتخنقت منه


بصراحه
فطست ضحك من تخيلي لحالة همسات وهي شغاله ياعيني بحث وفحص وتمحيص ودراسة جدوى عشان تعرف معاني الشعر الجاهلي ده
تخيلتها كمان لبست نضارتها وفضلت تنفخ وهي زهقانه وتقول : يعني ايه الكلام الخزعبلي ده ؟
طبعا مش سخرية منها ولا مني
انما مجرد تخيل


كان على طول الة الكتابة الكبريتيه لازم تنفجر وتنفعل بقا عشان تطلع نوع جديد من الشعر
احدث انواع الشعر المعاصر
وهو الشعر الكبريتي الحديث
نسبة الى مكتشفه ومخترعه كبريت



وهنا هنحاول نعرض على حضراتكم مقتطفات من الشعر الكبريتي المعاصر



ده بقا اسموا الشعر الكبريتي المعاصر


ولو سألتوني معناه ايه
اقولك بركاوي
يعني شعر ساخر بركاوي بالبركه
مالوش معاني
لا قابل للجار ولا المجرور ولا الفاعل ولا المفعول ولا اي شيئ خالص
هو كبريتي شحط محط
كبريتي صرف
كبريتي وخلاص
كبريتي مع سبق الارصاد الجوية الكبريتيه


تشولح الشلولح المشولح
فانتفض منفضا شلولحه
مشولحا متشولحا مشلوحا
متشلحا بالتشولوح شولحه

طبعا حاجات تودينا محاكمات سريعه وعاجله من المجمع اللغوي



والمصيبه بردوا مش سكت
لا
فضلت اخترع شعر كبريتي تاني
مثلا


ولوله مولول الوليل ولايا
مولولا متولولا بولايا
ولولاته تولوت مولوله
فولولت تولولا للولايه

والله العظيم ما فاهم ولا عارف التخاريف دي ايه
انما اشمعنى انا
ما هو الشعر بقا مولد
حتى اسالوا المطرب الفظيع شعبان بيك عبد الرحيم
والمطرب الميمون سعد باشا الصغير
واعوانهم

اللي بصراحه
خلوني كرهت ام اغاني
وكرهت ام تليفزيون

وبقيت مواطن مصراوي كبريتاوي رادياوي والاخيرة دي نسبة الى الراديوا
حتى البنت اللي بحبها قرفانه وغضبانه مني عن موضوع الراديوا دي

حتى بفكر الغي التليفزيون من قاموس الوجود في البيت بالمرة


اهي فضفضه كبريتيه بقا عرفتكم على نوع جديد من انواع الشعر الكبريتي المعاصر

قينك ياعم نوبل عشان تخطفني