عرض مشاركة واحدة
قديم منذ /03-10-2015, 07:29 AM   #1

انا جيجي
احاسيس
 

 رقم العضوية : 96934
 تاريخ التسجيل : Apr 2014
 الجنس : ~ بنوتة
 المكان : المحلة الكبرى الغربية
 المشاركات : 4,696
 الحكمة المفضلة : الصبر جميل
 النقاط : انا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant futureانا جيجي has a brilliant future
 درجة التقييم : 1764
 قوة التقييم : 1

انا جيجي غير متواجد حالياً

أوسمة العضو

وسام مسابقة اجمل قصة مركز ثانى وسام مسابقة عيد الربيع مركز ثالث وسام تميز شرطة المنتدى 25 افضل خزعبلاوى 

افتراضي الحلقة الثالثة من برنامج قول من الاخر وهات الى جواك مع شاعر الحب الحزين

مساءكم سعادة وهنا واهلا بيكم مع حلقة جديدة من برنامج قول من الاخر وهات الى جواك

برنامج يبحر فى اعماق ضيوفنا يتخلل الجزء الغامض من مشاعرنا

معانا عضو ومشرف تميز باحساسه العالى

له ركنه الهادئ الخاص به

يلفت الانظار اليه

معانا ومعكم

ضيفى الكريم

شاعــــــــــــــــــــــــــــــــــــــــــــــر الحب الحزين

اهلا بيك يا خالد اهلا بيكى يا جيج ومرسى على استضافتك الجميلة

لا شكر على واجب

نبدا الاسئلة






س1 : ممكن في كلمات قليلة ..
أن تلخص لنا مفهومك للحب
.. ونظرتك له ؟؟


الحب حرفين حيرة وبعاد

الحب كلمتين غيرة وعناد

بيقولوا كلام أفلام وشوية أوهام

وشايفه سكر بيحلي مرار الأيام

الحب خريطة والقلب الطيب بلاد

مفيش قلب إلا وبينه وبين الحب معاد

ومفيش حب عرف قلب طيب إلا كبر جواه وزاد

حلاوته ف عذابه وشقاوته ف غيابه

ياما خلى قلوب دابوا ولا عنه تابوا ولا قدروا على البعاد


س2 : مشاعرك الخاصة إلى من ممكن أن تبوح بها ؟؟


بحتفظ فيها لنفسي وقليل جدا بعبر عنها ف كلماتي




س3 : هل أحببت من قبل ؟؟


انا لو حبيت ما ببينش لحد بحب بيني وبين نفسي

مش غرور بس خجول جدا جدا





وكم مرة أغتال أعماق وجدانك هذا الإحساس ؟؟

في خيالي كتيررر ما تعديش


س4 : كم مره أهديت قلبك لمن لا يستحق ؟؟


لا أنا الحمدلله ليا نظرة وبعرف اهدي قلبي لمين

في ناس ما تستحقش اهديها قلبي وانا ما استحقش

برده ان بعض الناس تهديني قلبها انا مش ملاك




س5 : وردة قلبك الحمراء إلى من تهديها وتطمئن على رعايتها ؟؟


لأهلي وإخواتي هنا ف المنتدى مفيش مصالح هنا قلوب بتتكلم



س6 : من وجهة نظرك الخاصة ..
هل الحب يعتبر حرام أو من العيب ؟؟


ولا حرام ولا عيب طول ما احنا ملتزمين حدودنا



س7 : ما هو مفهوم من حولك عن الحب ؟؟


مصالح




وما هي نظرتهم لو وقعت أنت في شرك الحب ؟؟


أستغفر الله العظيم شرك إيه بس يا جيهان

هما نفسهم يوقعوني ف سيرك الحب بأي طريقة

ولسه قلبي بره الدنيا وعايش مع خيال إحساسه




س8 : لمن تقول هذه الكلمة ..
" أحبك "
أو
" بحبك "


بقول أحبك لكل المسلمين والمسلمات

وبحبك ما هي نفس الكلمة ولا هي غلبة وخلاص ههههاي



س9 : كيف تعبر عن حبك لشخص أحببته وهو بعيد عنك ؟؟


بكتب عنه وبكتب اسمه على الحيطة وبفتكره دايما

الشخص ده بيبقى أقرب لنفسي مني لأني بعامله بقلبي بس


..

س10 : متى تقول ـــ بكبرياءً ـــ لمن كنت تحبه بصدق..
" حبك لم يعد يعنيني في شيء " ؟؟


أيا كانت الأسباب عمري ما هقوله الجملة دي

عشان حبيته بصدق ومعنديش قلبين أنا

لو انجرحت منه قوي همشي وافارق من غير كلام




س11 : ماذا تفعل عندما تشتاق إلى من تحب ؟؟


بسترجع ذكرياتي معاه واعيش مع صورته وكلامه





س12: وما هو شعورك حين يخبرك من أحببت بأنه يحبك ؟؟


بحس إني ملكت الدنيا الكلمة دي أثرها كبير في القلوب

اه وهتكسف برده ههههاي

س13 : هل تزرف دموعك من أجل الحب ؟؟


كلنا بنبكي من أجل الحب ومن أجل قلته أو كثرته

وأغلى دموع دموع الحب حتى لو كان أسبابها الناس اللي بنحبهم






س14 : هل تستطيع نسيان مشاعر قد تملَّكت منك وأنت صغيرا ؟؟


ممكن أنسى أي حاجة مكنش ليها تفاعل وأثر ف حياتي وحياة غيري

بس أكيد مشاعرنا واحنا صغيرين غير مشاعرنا لما بنكبر في العمر

بنقابل ناس مختلفين وبنعاملهم بمشاعر مختلفة بحسب الناس اللي بنقابلهم




س15 : بنظرك .. هل في الحب ما هو مستحيل ؟؟



لا مفيش مستحيل كل قلب ممكن يلين للحب

مفيش مستحيل طول ما احنا بنختار صح من كل النواحي

مفيش مستحيل طول ما احنا احلامنا في الحب بسيطة وعلى قد امنياتنا

مفيش مستحيل لو مش هينأس من قصة حب فاشلة عشناها وانتهت

مفيش مستحيل طول ما احنا مش قافلين قلوبنا قدام الي بيفتحلنا قلبه

مفيش مستحيل طول ما الحب بتحكمه المعاملة والصدق وبعيد عن المصالح

مفيش مستحيل طول ما احنا بننظر للأخلاق والقلوب وما بننظرش للمستويات


أشكرك جيهان ع الإستضافة الجميلة دي

اسئلة جميلة وسهلة وبرنامج خفيف ظريف

ربنا يوفقك







  رد مع اقتباس