[شاعر الحب الحزين]

ولا بضعف قدام مخلوق ولا بتسحب زي الأفاعي

ولا من ذل وهوان بدوق حقـي بجيبـــه بدراعــي

إن سامحت كرم مني مش اكتـــر

إن أخلصت ف ده عشان مش بحب اغدر

وعارف لو استقويت ف عيون الناس رح اكبر

متساهل بس مش بالساهل حد يقدر على خداعـــي

طيب مع الطيب لا بجرحه ولا بعيبـــــه

واللي يتحداني اواجهه ولا بستغيبـــه

واللي يغلط فيا لو ف حضن أمه بجيبه

الحق السايب يجيب مصايب يخلي الحبايب متقدرش ظروف وتراعي

اللـي يشوفني يستلطفني

يحس ان بقاله زمان يعرفني

واللي معاشرني هاجرني واللي فاهمني لسه ميعرفش أطباعـــي

سري مع نفسي زي حزني ويأسي صعب أبوح لحد بألمي وأوجاعي

نقطــة ضعفــي كلمــة ســر لو اتعرفـت يبقـى معدش لوجودي داعـي

ده قال عارفني وده قال فاهمني واللي اعرفه إن محدش يعرف أطباعي



شــــــــــــــــــــــــــــــــــــــ . حــــــــــــــــــــــــــــــــــــــــــــ