[phalsteen]

مساء الخير اهلا بكم في حلقه جديدة من المُعتقل زي ما اعلنت في حلقه جنون قلب ان الحلقه دي هيجمعنا لقاء مع المتحدث عن الاعضاء احساسى صحيح المتحدث عن الأعضاء مساء الخير ياسر منور المُعتقل الله يسلمك سما مساء الورد النور نورك في البدايه ليه قبلت الدعوة علي المُعتقل ؟ لسببين الاول لأنك صاحبة التوبيك ولكى تقدير ومعزه كبيره عندى ثانياََ هى فرصه ليا اتكلم عن حاجات مدايقانى ومحتاج انى ابوح بيها خاصاََ للناس إللى بتهمنى وإللى وثقوا فيا ياسر المتحدث عن الاعضاء رغم ان الفكرة قابلت نقد من الاعضاء الا انك اتشجعت للفكرة واترشحت ياتري شوفت الفكرة ازاي وليه اترشحت ؟ هو بالعموم اى حاجه بتنزل جديد كفكرة توبيك مثلا او حتى لقب بتجد دايما إعتراض عند اشخاص معينين هو إعتراض لمجرد إثبات الوجود ليس إلا .. شوفت الفكره إزاى وليه إترشحت؟ اكيد لقيت نفسى فيها جداََ وحبيتها جدا ولقيتها فرصه الناس تعرف ياسر الحقيقى من خلال التعامل المباشر والاحتكاك به عن قرب لأن دايماََ الافكار او تكوين الاراء من خلال مواقف معينه غير قادر على الحكم على الاشخاص بشكل كامل وصحيح والاهم من ده كله هتكون فرصه ليا بفرصتين انى اقدر اعمل الحاجات والتغيرات إللى كان نفسى انفذها وكمان الفرصه التانيه انى اقدر اخدم الاعضاء واقدر اعمل حاجه للمنتدى إللى حبيته من كل قلبي فوزك بلقب المتحدث عن الاعضاء دليل علي حب الاعضاء وثقتهم ولا علي ضعف المنافسه والاقبال الضعيف علي الترشيح للقب ؟ من ناحية الحب اكيد فيه نسبه كبيره من الاعضاء علاقتى بهم كبيره وممتده وبها ثقه كبيره جدا ومتبادله ولكن سبب فوزى باللقب اكيد البرنامج القوى الذى قدمته ونال ثقة اغلبية الاعضاء اى عدد كان سيترشح او اى عضو قوى كان سيترشح كانت فرصته امامى ستكون ضئيله جدا ليس غرور ولكن اولاََ ثقه فى نفسى وثقه فى اغلبية الاعضاء وثقه فى عقلى وماذا سيقدم للاعضاء ولا للاستفادة من خلافاتك الماضيه مع الادارة ؟ اولاََ انا حابب اشرح شىء يهمنى جدا ان الاعضاء يعرفوه اى خلاف فى المنتدى هو خلاف داخل منتدى ترفيهى لا يحمل اكثر من خلاف فى الاراء مش اكتر والشخص الذى يظل يحمل فى قلبه ضغينه لفتره كبيره بسبب خلاف فى منتدى ترفيهى هو انسان يحتاج للعلاج لأنى انا الخلاف بالنسبالى ينتهى بإنتهاء الموقف وعدم تمدده ليصل لحد الاهانه غير كده انا اعبتر نفسى لستُ فى خلاف مع اى إدارى قديم كان او حتى حديث , لأن المفروض إللى بيجمعنا هنا هو المصلحه العامه لكل الاعضاء والمنتدى بالطبع . النقد مهما كان حاد او بناء مطلوب من اصحاب المناصب البعد عن العصبيه والتعامل باقناع وتقبل الاراء ويمكن دا الغرض من لقب المتحدث شايف انك اتصرفت بحكمه في ردك علي نقد استفتاء الام المثاليه للمنتدي ؟ اولاََ انا لا احمل اى منصب بل مجرد لقب لخدمة الاعضاء وتوصيل صوتهم الى الاداره ثانياََ انا ردودى كانت عاديه موش شايف فيها اى حاجه بالعكس انا اتحسدت لأنى صبرت على الاستفزازات التى لم يتحملها حتى الاعضاء الذين لا دخل لهم بالتوبيك وعندك سامر شوفى رده على المعترضين كان إزاى وانا وحوراء ردينا بكل إحترام وشرحنا بدل المره عشرات المرات .,, بس زى ما كل الناس شافت , مفيش فايده استفتاء وتصويت للفوز بوسام الام المثاليه علي اي اساس جات الفكرة ؟ زى ما شرحت انا وحوراء مع عيد الام اتت فكرة انى اكرم امهات المنتدى ودى مناسبه كويسه لكده علشان نشعرهم بمحبتنا لهم ومشاركتنا لهم عيد الام لأن المنتدى اساساََ لو فكرنا شويه بتمعن هنلاقيه اقرب لنا من الواقع بكثير شوفى كام ساعه باليوم بنقضيها هنا مع بعض نتشارك فيها افراحنا واحزانا حتى الاشياء الشخصيه لغالبية الاعضاء بيتكلم عنها هنا سواء بالمدونه او فى الاستضافات يعنى نعتبر فعلا اسره بحق وحقيقى ويهمنا نعرف رأي الطاقم الاداري خاصه بعد الخلاف اللي حصل في التوبيك ولا التصويت والاعلان تموا من غير تنسيق مع الادارة ؟ مفيش اى خلاف حصل مع الاداره وانا صاحب الفكره وعرضتها على حوراء لتشاركنى فيها وهى فرحت بالفكره وقالتلى ناخد رأى الاداره فى الجوائز وانا وافقتها وهى اتكلمت مع الماجيك وهو رحب وكمان شارك بالتصويت الادارة طلبت منك اختيار مراقب للمساعده خلال مدتك ليه اخترت حــــــوراء عن باقي طاقم المراقبات ؟ زى ما ذكرت فى المدونه السبب ان الاربع مراقبات علاقتى بهم ممتازه ومفيش اى خلاف مع اى حد منهم ابدا وتم الاختيار لسابق خبرة حوراء الاداريه لأنها كانت إداريه منتخبه من قبل ومارست اعمال الاداره وعندها خبره اكبر بشويه بسيطه عن بافى الاخوات المراقبات .. خلال المدة اللي فزت فيها بلقب المتحدث عن الاعضاء ممكن تكلمنا عن نسبة انجازك لبرنامجك الانتخابي ؟ حلو السؤال ده ام حمنى ,, رغم انى كنت ناوى انزل توبيك خصيصاََ لذلك واعلنت عنه فى يوميات المتحدث بأسم الاعضاء إلا إنى سأخصك بالحصريات .. انا ارى ان إنجازاتى تعتبر صفر واكيد لعدة اسباب اولها واهمها إن مفيش اى حاجه قدمتها فى برنامجى الانتخابى تحقق منها اى شىء ولستُ انا السبب فى ذلك لأنى فور إنتخابى على الفور قدمت ورقه اوليه برؤيتى لأشياء كتير بالمنتدى وذكرت إن تلك الورقه هى الجزء الاول وبناء عليه وما سينفذ منه ساتقدم بالجزء التالى لأنى قسمت برنامجى على مراحل حتى لا اُرهق الاداره وانا اعلم مشاغلهم لذلك راعيت ظروفهم وما حبيت اثقل عليهم ولكن للاسف لم يكن هناك اى تجاوب يذكر طوال تلك المده منذ إنتخابى وحتى تلك اللحظه ومنها على سبيل المثال رؤيه معينه لحل الخلاف بينك وبين رفعت حتى لا يعود الخلاف مستقبلاََ فى قسم الخزعبلات وتنظيم الاقسام المهمله واشياء كثيره ليس مجالها هنا الان ولكنه بين يدى الاداره وحتى تلك اللحظه لم اجد اى تعاون او احد مد يده لى سوى الماجيك فقط ولكن بشكل ضعيف وغير مرضى ليا بالعموم وكان عباره عن مسكنات والوحيد الذى سندا لى بحق اختى المحترمه حوراء ومن هنا بحب انى احيها على تفهمها ووقوفها جنبى وتحملها من اجلى السخافات والاشياء الغير مسؤله والغير ناضجه من بعض الاشخاص .. واحب اوضح حاجه انى طلبت إدراج توبيك نجم الشهر فى التنبيهات منذ نشر التوبيك وحتى الآن ولم يرد عليا احد لا بالرفض او الايجاب رغم وضعى كمتحدث بالعموم احب اوضح ان اول جزء فى برنامجى قدمته لأحد الاداريات فكان ردها كلمه واحده فقط ( سأقرأه ) وإلى الآن لم ارى اى رد واحب اوضح بتلك المناسبه إنى لم اقدم برنامجى للقراءه ولكن للتنفيذ حسب وعدى للاعضاء الذين إنتخبونى وصوتوا ليا من اجل هذا البرنامج ومع طول المده وعدم وجود اى تواصل معى او تجاوب بطريقه إيجابيه فتكلمت مع إدارى آخر بالموضوع وعدنى ايضاََ إنه سيبحث الموضوع وسيعطينى رد وايضاََ لم يحدث اى شىء . وياتري ايه الخطوة اللي بعد كدة ؟ التالى بعد ذلك إنى بعد مجهود مضنى ومراسلتى لما يجاوز التلاتين عضو لأنشاء لجان تحكيم دائمه للاقسام كافه كل منها مكون من 5 اعضاء وحصولى على موافقاتهم طبعا كل شىء توقف وتجمد لأنه ظهر إنه لا فائده والذى إستشعرته من فكرة المتحدث إنه كان مقصود به شخص آخر عند تكوين الفكره لذلك عندما اتى ياسر وكأن المنتدى بلا متحدث وهذا هو الواقع الذى اراه امامى بووضوح وبدون اى تهويل ربما حاولت على قدر جهدى ولكن بلا فائده تذكر بصفتك متحدث عن الاعضاء استجبت لطلب الاعضاء بالمطالبه بعودة ( كبريت ) فياتري بدايه كنت علي درايه باسباب الحظر وهل ينفع معاها التفاوض ؟ اولاََ انا صوت الاعضاء ومتحدث عنهم يعنى فى كل الاحوال لازم اكون فى صفهم دون النظر عن اى اسباب آخرى . وانا بنظرى الحظر آخر الحلول وليس اولها وانا طلبت اعرف السبب بس إتقالى كالاسباب السابقه إللى اتحظر بسببها ف السابق بعضويه آخرى وانا قبل الحظر اتكلمت كتير مع كبريت ف الخاص وطالبته بالالتزام وعدم إفتعال مشاكل ووعدنى بذلك وما هى إلا ساعات ووجدته محظور ايا كانت الاسباب لازم اعرفها وطالما لم اعرفها من الاداره لازم اسمع من الطرف المحظور على الاقل وفهمت إنه بسبب توبيك حدث فيه تراشق متبادل مع اعضاء آخريين فتم حظره هو فقط يمكن لسابق الاخطاء فى العضويات السابقه تم حظره وانا كنت مع إعطاءه فرصه اخيره مع تعهد منه بعدم إرتكاب الاخطاء وإلا سيكون حظر نهائى بلا رجعه اخيرا / تصويت لاختيار افضل 3 اعضاء كل شهر شيفاك بتستخدم اسلوب التصويت رغم ان كلنا عارفين انه اسلوب مش عادل وبيراعي العلاقات مش الانسب ولا انت ليك غرض تاني من تصميمك علي التصويت ؟ لو بصيتى فى التوبيك الاعلانى الاول وركزتى فيه كويس هتلاقى إن التوبيك ده اعدل طريقه فى إختيار نجم الشهر ولا يمكن بأى حال من الاحوال إن يكون فيه مجاملات ابداََ والسبب إن كل الاعضاء بدون إستثناء مرشحين وإنه بيعتمد على الحب وليس المجامله ولو شوفتى نجم الشهور الماضيه إللى عملته اختنا اميره رودى هتعرفى اد ايه طريقتى افضل بكتير جدا واكيد شوفتى إعتراضات الشهر الاول والتانى والتالت اللى حصل بسببهم مشاكل كتير وإتهامات بالمجامله شوفى اى حاجه فيها تحكيم هيكون فيه شعور بالظلم ومجاملات التحكيم اثرها اوقع واشد على نفس العضو وانا مقتنع جدا برؤيتى ولا انظر للثابتين فى اماكنهم وبيدهم معاول الهدم فقط وليس اى شيئاََ آخر .. سؤال بسيط : مين العضو اللي هنا لو اترشح للقب المتحدث عن الاعضاء ياسر ميترشحش قصاده ودا بعد 45 يوم اللي حددتها الادارة ؟ ساد ايس ساد لاف جبل عالى الامير العاشق اى حد فيهم سيترشح انا منسحب على الفور وانا لاء بين ليله ويوم بعد فوزك باللقب اتعدلت في عيونك كل عيوب الادارة اللي طالما اشتكيت منها وشوفت المكان ترفيهي والخلافات سطحيه ودا ميدلش الا علي خلافك مع الادارة ؟ لا انا طول عمرى بشوف المنتدى شىء ترفيهى وهو كده بالفعل انا مش هخترع يعنى ام حمنى ولكن يمكن خلافاتى كانت مختلفه عن آخرين غيرى حسب ما انا شايف تلميحك فى السؤال يعنى انا كانت اغلب خلافاتى لرفضى الشللي ه إللى كنت شايفها واضحه جدا والمنتدى كان بيسيطر عليه مجموعه من الاشخاص بيفرضوا رأيهم حتى ارائى السياسيه كانت بتواجه بالاهانات والشتائم والمواقف كثيره جدا لا تعد ولا تحصى وده سبب كل الخلافات بالتحديد ولكن خلاف مثلاََ على ترقيه مش اخدتها او وسام مثلاََ كنت استحقه ومش اخدته لم يحدث على الاطلاق على العكس تماماََ ,,مره تدخلت وعملت مشكله بسبب تحكيم ظالم فى مسابقه لستَ مشترك فيها وعلمت وقتها ما دار بالكواليبس واتحظرت بسبب هذا الموقف رغم إنه موقف اخلاقى وكثير من الاعضاء تعاطف معى وثمن موقفى وقتها الموسم الاول اتكلمنا باستفاضه عن آرائك السياسه فالمرة دي هكتفي بسؤالك عن نظرتك للمرحله الجاية من مستقبل مصر ؟ زى ما قال اخى المحترم جنون قلب فى حلقته ف المعتقل خرااااب وقريباََ جدا مش هنلاقى لا كهربا ولا حتى مياه للشرب وربنا المستعان ينقذنا وينقذ بلدنا مما نحن فيه وكلنا امرنا إليه وهو حسبى ونعم الوكيل .. تعصبك السياسي نقطه ضدك ولا صالحك بعد فوزك باللقب وياتري ازاي ممكن تتعامل بحياديه مع المخالف لرأيك ؟ ممكن الفتره الحاليه التعصب قل شويه ويمكن بقالى فتره طويله مش بدخل نقاشات سياسيه ويمكن دخلت مره او مرتين فى نقاش اتبعت فيه اسلوب جديد وهو الرد بالاقتباسات والمصادر والحُجه افضل من النقاش المباشر لأنه بيجبر المختلف معايا إن هو إللى يغلط وانا اكسب الاحترام وده حصل مؤخراََ فعلاََ .. لحد الآن مشوفناش من ياسر خطوة قوية لحل مشكله جماعية بتواجه كل الاعضاء كنقطه تحسب لياسر خلال مدة اللقب ياتري في نيه لخطوة زي دي ؟ الخطوه إللى كانت تعتبر بتصب فى مصلحة الجميع انى بذلت مجهود كبير جدا فى إنشاء لجان تحكيم دائمه لكل قسم على حده وكان باقى فقط قسمى الفضضه واليوميات ولكن كل شىء توقف لأن مفيش اى حاجه من برنامجى اتناقش او اتنفذ منه اى شىء ولو حتى طلب عادى فقررت التوقف .. في حاجة حابب تقولها للاعضاء ؟ بحب اعتذر لكل عضو وضع آمل فيا ووضع ثقته فيا واستبشر خير بتصويته ليا انى امثله انى ما قدرت اقدم له ما يتمناه ويرجوه او يآمله فيا لأن بالاخر الامور ليست بيدى انا وانا لست منوط بالتنفيذ ولكن عملت بضمير مهنى وحسب قدراتي وجهدى واتمنى للجميع التوفيق فى حياتهم نورت المعتقل ياسر الله يسلمك ام حمنى النور نورك وسعدت بالتواجد معكِ .. بكدة خلص حوارنا مع ياسر انتظرونا قريبا واخر حلقات المُعتقل الموسم التاني