علـــــى نياتهــــــا
علـــى نياتهـــا ضحكـــت هــي بريئـــة بطبعهـــــا
كلمتـك برقــة زي باقـــي البنـــــات
أنـــا شفــت ف ضحكتهــا وجعهــا وحزنها ودمعهــا
وفهمــت نظرات عنيهـا من سكـــات
ما تفهمهاش غلط ما تحكمش عليها انتا متعرفش وضعها
احكم بإحساسك مش بضميرك اللي مات
اعتبرتــك أخ ليهـا مــا تحرجهـاش إنتــا بكــــلام
لبسها وشكلها وكلامها مش مبـرر لأي أحكـام
مش يمكن تكون بتحب حد تاني ومش لاقية اهتمام
مش يمكن فقدت حد غالي خلاها تسهر الليالي ولا تنام
خلي ف نيتك إنك تساعدها كده هتسعدها لسنين قدام
لو غلطت إنسانة زيك ما إنتا ياما بتغلط كتيــر
لو ذنبها طبعها سوء ظنك ذنــب أكبــر بكتيــر
مش ذنبها إنها وثقـت فيــــك واعتبرتك أخوها الكبير
خلي عندك إحساس دي بنت ناس
لو ضحكت ما كلنا بنضحك بس انتا افهم ومتسئش التفكير
كلمنـي بالخيـر عنهـا يمكـن تبقـى مـن نصيبـــك
عشان لو اتجوزتها ف يوم كلامك عنها مش يعيبــك
شــــــــــــــــــــــــــــــ . حـــــــــــــــــــــــــــــــــــ
|