[ايمان طلعت]

آخرة السهر روحت أنادي حبيبي من تحت الشباك لا طل عليا ولا سأل مشيت حزين ودتني رجلي لشط البحر بصيت ليه وشكيته الحبيب اللي هجر اللي سابني ولا حس منه ولا خبر وكل الحب دة ياترى هيروح مني هدر ما لقيت حد يسمعني غير وش القمر سارح في الميه وحيد بوقت السحر بصيت لفوق ومديت إيدي اطوله لقيته بعيد فوقفت على حجر بردو ما عرفت اجيبه فطلعت فوق الشجر قربت ليه ولقتني واقف في الهوا ومفيش مفر وقعت على الأرض تاني وغاب الوعي والعضم اتكسر و دة حال اللي يحب واحدة بجمال البدر لف حواليه الورد و رماني بشويه عطر فقت وساعتها جالي الفكر لملمت الورد وشبكته بقى حبل طويل و رميته لف على وش القمر سحبته بشويش لعندي شكيته حالي من اللي هجر وقالي القمر نزلتني بعطر الزهر وما يجيب القمرغير جمال الزهر وبجماله هيرق قلبها المتغر اجري على حبيبتك هي ليك تنتظر ترضيها بكلمه او زهرة من تلك الزهر روحت انا اجري عليها ورشيت الورد حواليها ساعتها انا جبت رجليها وقلبها خلاص رق وحن وانا عقلي خلاص اتجن من دي البنت اللي مافي زيها في الانس ولا الجن ورحت اشكر القمر لقيت صورته على البحر نطيت انا احضنه فوقعت تحت السرير وطلع دة كله من السهر