[العاشق الذى لم يتب]

السلام عليكم ورحمة الله تعالى وبركاته مدخل حوار بين حبيبن عتاب أو خصام أو قرار أو عودة الحب أو نهايته مش عارف الوصف لكن هو حوار تعالوا مع بعض نسمع الحكاية ؟: أنا فضلتك عن كل الناس وعلشانك نسيت كل الناس علشانك طهرت قلبى ومحيت كل الشواغب العالقات والذكريات الباقيات علشانك قررت أتنازل عن حاجات كتيرة لما شوفت نجومى طالعة فى سماك وشوفت قمرى بينور ليلك وحسيت روحى وخدانى ليك وقلبى نادى عليك لقيت روحى بجد حبيتك آه حبيتك بجد وعشقتك بجد كمان لماكنت بزعل منك آخد على خاطرى وأسكت ورضيت بكل عيوبك صحيح يمكن أكون عصبية بس حنانى كان أنهار غرقتك فيه وفجأة لقيتك أتغيرت وعلى مهاجمتى قررت وعملت علىّ حملة تشهير وبقيت تكتب فيّ خواطروقصص تهجونى وتشتمنى ومرة ألاقيك بالباطل تتهمنى تفتكر لسة قلبى بيحبك؟ ؟؟ـ طيب ممكن تسمعينى زى ماأناسمعتك وكلامك فهمته وربك الكعبة وهو شهيد إنى حبيتك وحبك فى القلب قعيد علشانك أنا برضو محيت وكل اللى قبلك عنهم أخليت وليهم وذكرياتهم نسيت ومن كترشوقى ليك ياما بكيت وبحبك لكل الناس حكيت كتبت فيكِ كل كتباتى وأشعارى وطيفك مافرقنى ليلى ولانهارى وعهدت ربى وأخذت قرارى لايمكن عنك أتخلى وعشقى بيك ماأدارى ووصونى أصحابى وخلانى لما شافوكى سبب فى جنانى قالوا سيبك منها ليه تتعذب ماتحب تانى قولت والله مش بيدى حبها يجرى فى وريدى ولاعمرى غيرها أحب تانى وتعالى أفكرك مين اللى بيشهر مش أنت لكل الناس أشتكتينى وماخليتى عيب اللى بيه شهرتينى ومن وحى الشيطان قولت عنى انى مش انسان وكمان كداب ومنافق وعامل مراهق وسهيان ويروح للبنات يجرى وراهم وبيحب بنت فى كل مكان مرة تقولى انى عيان ومرة تانية عجوز كحيان كرهتى كل الناس فيّ وتهمتنى زور وبهتان دعيت علىّ بكل أنواع الأذية وأنا اللى بفديكِ بعنيا وربك يشهد علىّ مخرج حكايات قلب موجوع وهذيان عاشق هيمان بجدتعبان مش عارف مخرج ولابيان رفعت 2015/5/3

[/quote]