شباك حبيبي انفتح.... شباك حبيبي انفتح
وطل وش القمر
قلبي اتنفض في الحشا
وخاف يزيغ البصر
و رمت لي بصة بخجل
وكأنها بتعتذر
معقول بنظرة عين
يكون مصيرك كده
قلتها فكرك ايه
انا مجرد بشر
.
ركبت سفن الفضا
وركبت نجمة ب ديل
لفيت وراه الكون
وراني ويل الويل
وسألت نجم السما
وسهرت ليل ورا ليل
انا بس ايه غلطتي
دلوني يا اسيادي
سمعت صوت من بعيد
بيقولي يا مسكين
ده جزاء مين يحب
اللي ب مشاعره بخيل
.
عجبي علي ناس
عشقوا وارتاحوا
العشق هو السبب
في القلب وجراحه
لا ينفعه طب
ولا يجدي مين ناحوا
يا عم ياللي نجيت
م العشق و التشاويق
كلم لي واحد نجي
ياخدني علي جناحه
.
سلم لي عل انسرق
قلبه وراح ف بلاش
وقله مين يا جدع
اللي بقلبه عاش
انا ليا واحد صديق
حاول يصون قلبه
بقاله يجي اسبوع
مرمي في الانعاش
|