[طارق الجميل]

رسمِتك عنوان القصيده هى لموقف حدث بالفعل بين اتنين كان بينهم
قصة حب وفى يوم من الآيام وجد معها شريط ل إيهاب توفيق
وكان يحمل نفس ألاســـم (( رسمـــتِك ))


رسمــــتِك

رسمتِك فى حياتى نجمه والرسم أنا بيه للقمر وصفتِك
رغم إن الحب اللى بينا ضاع بعد ما القلب أنا كنت بيه وهبتك
باعتنا ألايام غدر بعد ما كنت عَرفتِك
إنك الحب...حبى الوحيد والسمره اللى بس فى عيونى رسمتِك

جايه ألايام دلوقتى تفكرنى باليوم إللى فيه كنت قابلتِك
وكنتى شايله شريط وروحت أنا سألتِك
إسمه إيه ياحياتى قولتيلى إسم الشريط ياحبيبى رسمتِك
قولتلك خلى ألإسم مٌذكر بجرأه قولتى وشوفت ساعتها طعامتِك

أحلى من ضحكة السٌمر وحتى البيض مايجوش فى حلاوتِك
الصوره اللى كنت عليها طبعتها وبأحلى صوره كنتى فيها صورتِك
وكتبت الشعر ده وغيره ولقوامك كله وصفتِك
واتكلمت فى الشعر عن سواد الليل ونجومه اللى بتلمع فيه شفايفِك

والعيون اللى زى البدر ف كماله لو رمشت اقولها سلامتِك
كل ده غدرت بيه ألايام بعد مالحياتى وهبتِك
وعلى حبك عودتينى وعلى حبى أنا عودتِك
لكن حٌبك مازال له مكانه ومازلت فاكر طعامتِك
وعشان كدا مهما عملت ألآيام هفضل فاكر إنى رسمتِك

رسمــــتِك

1992/3/31/الجمعه
بقلمى طارق الجميل