[شاعر الحب الحزين]

مكنتــش أعــرف وأنـــا صغيـــــر

إن فرحــي ابـــــن مـــــــوت

وإن حالـــي ف يــوم رح يتغيــــر

ويصبح قلبي حزين مكبـــوت

غيـر لمـا شفـت أحلامـي بتتدمـر

وبيبنـي غيــري منهـا بيــوت

غير لما عاشرت ناس لا بتعاشر ولا بتقدر

علقوني معاهم ف عقد وخيوط

صامد رغم جرحي لا بضعف قدامهم ولا بتأثر

وبينــي وبيــن نفســي بمــوت

بقى عندي شخصيات كتيرة وملامح كل شوية تتغير

مش فاضل منـي غيـر صــــوت

حتــى صوتـي راح مني وجوايا كلام وهموم تملي بتكبر

فضلت جوايا واتكلــم السكـوت

الألم صاحبني والقلم سايبني لحزن بيكتبني بمزاج متعكر

دموعي خلصت بقيت ببكيها نقوط

يا ضحكتي لمين يا دمعتي على مين يا غربتي الوقت تأخــر

يا حياتي على فين ده آخرك تابوت

مع إني مش حاسس بالسعادة لكن لسه بضحك قد ما اقــدر

عشان اضحكهم ويبقى الكل مبسوط

بكيد اللي معاديني بضحكتي ألاقي ضحكته بتقول هضرك أكتــر

اضحكله ضحكة أمل تقوله ضررك ابن مـــوت

هسيبك بكيفي تإذي في الخفى لحـد مـا تبان الحقيقة وتظهـــر

وساعتها هخلي حتى ضحكتك تضحكها بشروط

صعب استسلم قدام جرح مهما غاب الفرح وعن حياتي تأخــــر

هقول إن عذابي ابن موت وجعي ابن موت كل حزني ابن موت



شـــــــــــــــــــــــــــــــــــ . حـــــــــــــــــــــــــــــــــــــ