[morshooo]

بسم الله الرحمن الرحيم

مزاج الخير

مع انطلاق قناه ( ten ) من كام شهر تقريبا

القناه قدرت انها تجيب مشاهدين لانها قناه منوعات

المهم :

فى برنامج على القناه اسمه

( هى مش فوضى )

لــ

( بسمة وهبة )



من تقريبا شهر تم عرض حلقه عن

( المتحولين جنسيا )

وكانت حلقه اكيد مهمه لانها قضيه تم عرضها واكيد قضيه

موجودة زى اى قضيه بتشغل بال المواطنين وقدرت انها تستضيف

بنات متحولين واكلمت معاهم وقالو اسباب تحويلهم .

لحد هنا شكرا لـ ( بسمة وهبة ) .

الاسبوع الى فات ظهرت فى برنامجها واستغربت انها

قررت تعيد الحلقه تانى

عشان واحده متحوله جنسيا اسمها ( رغد )



انكرت ان تم تحويلها وظهرت على قناه ( mbc ) واعترضت على

برنامج ( هى مش فوضى ) .... الخ

فطبعا ( الاعلاميه بسمه ) خصصت حلقه جديده عشان تفضل

تعيد وتزيد ان ( رغد ) متحولة .

انا ضد تخصيص حلقه جديده عشان تثبت انها متحوله لسبب بسيط

انا كمشاهد هستفيد ايه لما اتاكد انها متحوله والا لا

انتى عرضى القضيه وقولتى انها متحوله خلاص تمام تسلمى

لكن اعمل حلقه جديده تانى ليه وافضل اقول .

والله ( رغد ) كلمتنى عشان مانزلش الحلقه تانى بس انا نزلتها

منتج مسلسلها الجديد بعتلى على الماسنجر ( ماعملش حلقه جديده )

عن ( رغد ) عشان المسلسل ينجح بس انا نزلتها .

طيب ياستى عرفنا انك ماشاء الله مهمه جدا ويهمك راحه المشاهد

الاغرب من دا كله ان كان فى اتصالات من مواطنين وماشاء الله

كلهم عندهم نفس الحالات واحد من الصعيد بيتصل

انا ابنى اجوز وليله الدخله اكتشفنا الموضوع دا ان مراته

متحوله جنسيا .

انا راضى زمتكم فى واحد هيتصل عشان يقولها كدا

عموما :

اتمنى ان ( بسمة وهبة ) متكنش ( ريهام سعيد ) الجديدة

عشان مش ناقصه فقع بصراحه .