[شاعر الحب الحزين]

أنا اللي لعبت دور المخدوع في حكايتك

أنا كنت صفحة خيال في قصتك وروايتـك

صدقت إنك خلاص قدرتي تنسيه

حاولت اعوضك عنه لقيت صورته ف مرايتك

لا إنتي نسيتيه ولا هو قدر ينسى

ولا غيرتي عليكي لقت ف قلبك مرسى

ويفيد بإيه لو اجبرك على حبي واقسى

ده قلبك وده اختيارك ومش ذنبك إني ف يوم عشقتك

بس انتوا سبتوا بعض ليه لما انتوا مش قد البعاد

ده اللي يحب ميقدرش ينسى لو مهما الهجر زاد

وياما قلوب اقرب لقلوب من نفسها وهي بينها بلاد

ما تستعجلوش الفراق تاني ده الحب حياة وموت بيفاجئ وقتك

ارجعيله يمكن ترجعلي اللي حبيتها ف يوم

مقدرش احرمك منه محدش غيري هيكون محروم

انتي قلبك ملكه عقلك ملكه هسميه وفائك ومش هسميها خيانتك

اقبلوني اكون صديق لقلوب بتحب بجد

سامحوني كنت شوكة ف حلق حبكم بس مش ندمان إني ف يوم عرفتك




شــــــــــــــــــــــــــــــــــــــ . حــــــــــــــــــــــــــــــــــــــــ