[شاعر الحب الحزين]

عشـــان حبيتــك مــن قلبــي يبقـى الهجــر جزائــــي

جيتـي تخلصـي منـي حكايات قبلك عشتها قل فيها وفائي

تضحكلك الدنيا مع غيري وابكي على حبي ويوجعني كبريائي

عشان صارحتك بحكايات عشتها زمان

تلعبي دور المحامي يتحرك جواكي الإنسان

ابقى الجاني عشان اعترفتلك تبقى صراحتي ف حبــك دائــي

يمكن قتلت إحساس جميل جواهم

يمكن فاكراني لسه بتواعـد معاهـم

هما السبب اتعلقوا فيا من خوفهم عليا بقوا ضحية لقلب فدائـي

لو عاملوني نفس تعاملك مكنتش هسيبهم

كنت هتعلق فيهم كنت هفضل طول العمر حبيبهم

مكنتش السكة اللي توديني تجيبهم كنت هتمنى لحظة تلاقـــي

ومكنتش اعرف إن وحدة من الضحايا تبقى تهمك

اللي سبتها بدمعها ومشيت كانت من لحمك ودمك

دارت الأيام ولا كان في بالي اللي ف حبك جرالي ولسه عليكي باقي

حكايات كتير قبلك عشتها ولا مرة حسبتها

نفسي اللي مش بتحب غيرها ولا مرة حاسبتها

انتظرت المحاكمة منهم ولقيتك بتحامي عنهم وبتصدي حبي واشتياقي

اللي غلطت ف حقهم سامحوني ويمكن لسه بيحبوني

وانتي عشان حبيتك عرفتي نقطة ضعفي رديتي اعتبارهم واخترتي فراقي



شـــــــــــــــــــــــــــــــــــــــــ . حـــــــــــــــــــــــــــــــــــــــــــ