وعدتــــــك زمــــــــــان
زمـــان وعدتـــك إنــي هفضـل أحبــك وعــدى زمــــان
اتغيـر قلبــك قــل حبــك وحبي ليكي فضل زي ما كان
مش حكاية وعد الحكاية أكبر وأسمــى
عمره الحب ما كان مشروط بوعد وكلمة
الحكاية إني اتعودت عليكي ومقدرش أبدا ع النسيـان
الحكاية إني عمري ما اتخيلت اسيبك
وإنك حبيبتي أنا حتى لو مبقتش حبيبك
وإني مقدرش افرط في حبي ليكي حتى لو رفض ف ملامحك يبان
انتي الحب ابتدى عندك من أول يــوم
وأنا كل يوم بيبدأ عندي حبك كل يوم
من سنين عارفك وكإني لسه عارفك ما أنا شايفك بعيون مشتاقة وقلب ولهان
يمكن تحاول تبعدك عني الظروف والأيام
يمكن بعض ناس يوصلولك عني أي كلام
لو سعادتي تهمك خليكي جنبي سنين قدام
أصعب ظرف ممكن يعدي عليا هو غيابك يوم عن عنيا الفراق ميتحملوش انسان
هفضل على وعدي مهما الأيام تعدي
عشان اثبتلك إن محدش بيحبك قدي
حتى لو بسمتك عاندتني ووقفت ضدي
هغامر في حبك لحد ما ينتهي التحـدي
أنا لو خسرتك يبقى كسبت إيه ده انتي العمر وكل مافيه وأنا بعدك مليش مكان
هتحملك عشان غلاوتك عشان بحبك مش عشان وعدتك بحبي زمـــــان
زمان عدى خلاص وفضل الحب والإخلاص حتى لو تاهوا عنك ونسيتي العنوان
أنا نصيبك أنا حبيبك مقدرش اسيبك مين يسيب الفرح ويختار جرح وأحــــزان
إنتـي نبض قلبي ونور عيني وحياة روحي وانا مـــــن بعــدك مليـش مكــــان
شـــــــــــــــــــــــــــــــــــــــــــ . حــــــــــــــــــــــــــــــــــــــــــ
|