[رآقيہ بأخلاقـى]

السلام عليكم ورحمة الله وبركاته ... احبآتى فى الله .. اهلاً بيكم فى اولى حلقآت برنامج مآئدة بنآت مصر حبيت ابدأ البرنآمج بضيفه غاليه على قلوب الكثير من اعضاء المنتدى هى انسآنه رقيقه كريمه حنونه وكمان نشيطه وبتحب كل الناس يعنى قلبها طيب وكبير وده سبب فى حب النآس ليهآ لقبهآ اللى متواجد تحت اسمهآ هو ملكة الثقافه العامة طبعاً عرفتوا هى مين هى اميرة المنتدى الأميرة رودي مراقبة الأقسام الأدبية اهلاً بيكى على مائدة بنات مصر كل عام وانتى بخير فى البدايه انا بشكرك على قبولك للدعوة .. وانتى بخير وصحه وسعاده والى الله اقرب دايما الشكر ليكي ع الدعوه الغاليه ـ ياترى فاكرة اول مرة صومتى فيها كان عندك كام سنه ؟ ايوه كنت تقريبا 8 سنين كنت بصوم لحد العصر و أخد ربع جنيه كان الربع جنيه له قيمه بعدين من السنه اللى بعدها بدأت اصوم اليوم كامل ـ رمضان كان بالنسبه ليكى ايه ايام الطفولة ؟ كان حلـو أوي أوى بجد كنا بنتجمع يوميا طول الشهر فى بيت من بيوت العيله كل يوم معزومين ف مكان او عازمين عندنا وكان فيه حب وموده أكتر من دالوقتى نصحى الصبح نشوف معزومين فين النهارده نروح من الصبح نقعد هناك لما نروح ع النوم اما الوقتى ولا عاد حد بيعبرنا ـ اول سنه جالك فيها فانوس ؟ كنت فى حضانه وبابا اللى جابه وهو جاي م الشغل كانت أغلى هديه منه بجد ..ولسه عندي ع فكره بس بقا اطلال فانوس.. لو كنت ف مصر كنت صورتهولك ـ كنتى بتلعبى بالفانوس لحد آخر رمضان ؟ قبل يوم 20 رمضان كان أجدع فانوس يبقى ميت حته من كتر الخناق انا واخويا عليه بس اول فانوس جالي كان اخويا لسه صغير فاتشال فوق الدولاب لسنين بقا مالحقش تحطيم الشرس ده ـ اول مرة التزمتى فيها بالصيام والصلاة كان سنك كام ؟ التزمت بالصيام 9 سنين وكنت اصلي طول شهر رمضان جنب مامتى والبس خمـار من بتوعها كان يغطي رجليا ..كنت قصيره انما الصلاه عموما اتأخرت ف الالتزام بيها كان عندى بالتقريب كده 16 سنه ـ اول مرة دخلتى فيها المطبخ وساعدتى فيها والدتك ؟ من يومي عندي فضول وأحب اتابع وأحفظ الخطوات حتى لو مش هساعد فكنت بقف جنبها أقعد احكى معاها كل اللى حصل ف او المدرسه وفى نفس الوقت اتعلم واشوف بتعمل ايه ومره فى مره لما بقيت اساعدها لما عرفت ده بيتعمل ازاى وده ازاى وبقيت اعمل لواحدي قولى 13 سنه ـ ياترى فاكرة ايه اول حاجة طبختيها او ساعدتى فيها ؟ بطاطس دواير محمره وفضلت ازوق فيها بالبقدونس والطماطم لحد ماخلصو عشا وقامو وانا لسه بزوقها بس كانت حلوه ـ اهم وجبة بالنسبالك واساسى لازم تكون على السفره ؟ فى رمضان : اساسي العصير والسلطه دول اساسي واحاينا الشوربه على حسب الاكل الموجود يعني اما ف الايام العاديه اى حاجه بنضرب على طول مابنقولش لاء ـ يومك فى رمضان بيكون متقسم ازاى ؟ بصحى متأخر الحقيقه لانى اصلا مش بنام الا بعد السحور وصلاه الفجر وقرأ قرآن شويه قبل النوم فيادوب بصحى على الساعه 1 وباخد وقت عما افوق كمان..بفضل فى غيبوبه شويه كده بعدين اصلي الظهر وادخل المنتدى وافضل اروق الشقه وانا بتابع المنتدى. واكلم بابا ده اساسي كل يوم جزء م البرنامج وع العصر بقا ببدأ تحضير ف الفطار ونفطر ونصلي المغرب وبعدين تيجي العشا بسرعه نصليها واحيانا التراويح. مش كل يوم بصراحه ونكمل يومنا للسحور وصلاه الفجر....... وهكذا اما ايام العزايم بتبقى مختلفه طبعــا ـ ايه أكتر أكله بيحبوها من ايدك ؟ أى أكل بعمله بيعجبهم الناس نفسها حلــوه بس المكرونه بالبشاميل والمحاشي بيحبوها اكتر ـ هل سبق ليكى انك قضيتى رمضان خارج مصر ؟ أيوه حاليا بقضيه بره مصـــر ـ تفتكرى رمضان فى مصر أحلى ولا فى الخارج ؟ لالالالا مفيش وجه مقارنه رمضان فى مصـر أحلى بكتيييييـر ـ رآيك ايه فى الناس اللى بتحرص على قضاء رمضان خارج مصر ؟ مش عارفين اى حاجه بس بتبقى منظره ع الفاضى لان رمضان عباده وأجر بناخده على المشقه انما مش فسح وتغيير جو دول ناس فلوسهم كتير ـ لو معاكى 3 كروت دعوة للأفطار فى مطعم محترم هتخارى مين من اعضاء بنات مصر يكونوا معاكى على المائدة ؟ هو 3 قليل جدا لان فيه كذا حد هتمنى افطر معاه هذكر بعض الاسماء القريبه مني : رووكه - آيه حكايه - وانتى يانور- روني السفيره عزيزه- نغم الشام - انجي -دكتور نوشه - كان حلم - سي بيرل - حياة الروح إيميليا -♥○ moOoOoOna ♥○ --دمـوع القمـ آيـه ـر - ايمان طلعت - سندس - توحد ارواح - سوار الياسمين ايه ده يا رودى بقولك 3 مش خمناشر ده كدة خراب بيوت يا حجه اما الشباب بقى مانشوفش حد فيهم طول مااحنا بنفطر أخرهم يقفو على باب المطعم يحرصونا هههههههههههههههه والله عسل يا رودى هو ده آخرهم انهم يحرصونا ونحنسهم يستاهلوا وأخيراً .. مطلوب منك كلمة توجهيها لكل أعضآء المنتدى . معاكى المآيك قولى كل اللى فى نفسك اظبطي المايك من فضلك عشان الصوت .. ههههههههههه اهو يا فنانه كدة تمام ؟ معنديش كلام غير انى بحبكم جدا وكأنى اعرف كل حد فيكم معرفه شخصيه وبحب المنتدى وله بصمه مميزه عندي انا اشتركت ف منتديات قبل كده بس بنات مصر حاجه تانيه غيـــر اى منتدى - عندنا ميزات كتير بس نحاول نستغلها و نظهرها - نحاول نكون موجودين ف المنتدى بهدف المحبه وبسس - لو وقع المنتدى ده واتقفل على فكره ناس كتير هتحزن لانها مش هتعرف تتواصل تاني مع ناس اتعودت تشوفهم كل يوم وتشوف مواضيعم وكانت بتتواصل معاهم فقط من خلال بنات مصر فحافظو عليه وربنا يجميعنا على الاخوه والمحبه والود دايما آمين يــآرب ... كنت سعيدة بلقائى معآكِ يا أميرة المنتدى بتمنى من الله ان يديم وجودك بينا كل عام وانتى بخير انا اللى سعيده بدعوتك الجميله وكونى أول ضيوفك وافتتحتى بيا البرنامج ... ده شرف كل عام وانتى وكل أسرتك وحبايبك بخيــر وقبل ما رودى تسبنا وتمشى انا حضرت ليها مآئدة حلوة فيها كل ما لذ وطاب اتفضلى يا قلبى الآكل كله ليكى لوحدك اوعى تعزمى على حد معاكى بتمنالك صوماً مقبولاً وافطارٍ شهياً وبألف هنا وشفا يا جميل ,,, إلى اللقاء فى حقلة جديدة مع مآئدة بنآت مصر استودعكم الله