بداية من نهاية
قد ما كلموها وكلموني إننا نفضل سوا
كنا مصممين إننا هننسى عهـد الهــوا
قالوا خليك معاها دي بتحبك
مالك إيه اللي مغيرك ومقسي قلبك
قلت مش عايزها زي جريح ويائس من الدوا
هي قالت بكرهه خلاص مبقتش طايقاه
وكفاية مش شوية عمري اللي ضاع معاه
سمعت كلام خلاني احس إن اللي بيننا شوية أوهام وعدت هوا
وف يوم وداعنا شفتها اجمل انسانة ف الدنيا
دموعها على خدها ودموعي في قلبي
قدامي واقفة وهي خايفة وتفكيرها ف دنيا تانية
وبقول هتسيبني خلاص مش هتفضل جنبي
الشوق والحنين وحب داريناه سنين بان ف ثانية
ظهر اشتياقنا ف لحظة فراقنا وكان قبلها مستخبي
تاه مننا الكلام واتكلمت نظرات عنينا اجمل كــلام
فهمناه حسيناه كان فيه عتاب قلبين وحب وغـرام
ساعات صمت خدنا الوقت شوية شوية نسينا الخصام
عاتبنا بعض على كلامنا قلنا إن لسه الحياة قدامنا
واللي فات نعتبره مات كانت ذكريات حياة من غير هدف ولا أحلام
ضميتها ف حضني خبيتها وعدتها إني هسعدها واعوضها بأجمل أيام
وغريب يا حب ملكش وقت غير وقتك وتوقيت مشاعر قلوبنا غير وقتك
جيت ف لحظة فراق تصحي جوانا الأشواق وتبرئ حب محكوم بالإعـدام
شـــــــــــــــــــــــــــــــــــــــــ . حــــــــــــــــــــــــــــــــــــــــــــ
|