[ParoOo]

سلام عليكم

انهارده بئا اول حلقه ف برنامجنا

والحمد الله نشكر ربنا فيه نااسى كتير عجبتهم الفكره

واكيد هما نفس النااس اللى بيتابعوونا بس وبيشووفوا الحلقه ديه

طويب ضيفنا انهارده

شااب لطيف لذيذ ويكن رخم وتقيل

بس يلا نشووف هاايدى وضيفنا انهارده

صحيح محمد اللى هوه ( واد حبيب ) بما انه مش بيدخل ومش عارفين ليه او بيدخل شويه صغيرين اليومين دولت فحساابه عصر ان شااء الله وعصير موز كمان

طيب ضيفنا هوه

» єℓ gєηєяαℓ ♥ ĜёṀy

نشووف بئا الحوار

رحبوا معايا بيه بئا
اهلا جيمى ازيك عامل ايه ايه اخباارك ؟ كويس ؟؟ بس اهم سؤال انت اسمك ايه ؟؟ طيب عرف نفسك ؟؟

تشكرا تشكرات
سلامو عيكو
ازيك يادودي
اهلا بيكي ياقمر انا الحمد لله تمام
اه وربنا كويس
My nAme is محمد (لازم حبة حبشتكنات )

اعرف نفسي ممم حاضر


(ههههههههههههههههههه شكله كده ناوى يمثل )

اسمي محمد ولقبيـ جيميـ تمام
مواطن انسان طبيعي
اتولدت واتربيت فـ بولاق الدكرور
وعيشت ف اكتوبر
عنديـ 19 سنة تمام
وسنجل اعزب بدور علي عروسة
بس كدا

منورنا وربنا يا جيمى
نورك عليا الطلاق

طيب السيستم بتاعنا هو فقرتين الفقره الاولى عباره عن : 5 اسئله عامه وديه سهله

الفقره الثانيه : 5 اسئله ف الذكاء

وانت اول ضيف معانا وعايزينك تحلهم كلهم صح وتأخد ع كل سؤال 25 مشاركه شوف بئا هتتطلع بكام مشااركة ف الليله ديه

متتخدعيش فيا وقولي يارب
وبعدين المفروض عشان اول ضيف تجيبيلي اسئلة طريه كدا هه

طيب جاهز ؟؟؟
ايون يلا برجلك اللمين

اول فقره هيا

5 اسئله عامه


اول سؤال هو
س1::ماهو اطول جسر بحري في العالم ؟ وطوله ؟؟
جسر البحر خليج جيالوزوه الذي يقع في الصين
طوله 42 كيلومتر
غلط
ثانى سؤال هو
س2:ماهو الحيوان الذي يسمى أبو الاخطل ؟
البغل لامؤخذه
صح صح حتى الان معاك 25 مشاركه
ثالث سؤال هو
س3::ماذا يسمى من لايقرأ ولايكتب ؟
الامي جايه من نحو الامية
حلو السؤال داوت ادودي ثانكس
صح صح معاك 50 مشاركه
رابع سؤال هو

س4:اين يوجد تمثال الحرية ؟
في الولايات المتحدة الأمريكية
صح بس كان ممكن تكملها بمدينه نيويورك

معاك 75 مشاركه
خامس سؤال والاخير هو

س5:: أين يقع سوق عكاظ ؟
سوق عكاظ ممم
شبه الجزيرة العربية في سهل منبسط بين مكةوالطائف

صح صح صح معاك 100 مشاركة حتى الان
الفقره التانيه ذكى ولا ؟؟


ههههههههههه يعني علي حسب

- أمشي بدون قدمين وأطير بلا جناحين وأبكي بدون عينين فمن أنا ؟
متهيالي والله اعلم السحاب


4- اسم فاكهة يمكن قراءتها بالعكس ولا يتغير اسمها فما هي ?
خوخ طبعااا
صح صح صح صح معاك 150 مشاركه
- أم علي لديها أربعة أبناء وهي تحب أيام الأسبوع حباً شديداً فسمت الأول : السبت والثاني : الأحد والثالث : الاثنين فما اسم الرابع ؟
علي

صح معاك 175 مشاركه
13- رجل كان شعره طويل جداً فحلق خمس مرات ومع ذلك لم تسقط منه ولا شعرة فلماذا ؟
ينكن هوا الحلاق وكان بيحلقلنا احنا الخمسه
وشعرو زي الفل سليم

صح معاك 200 مشاركه
14- ما هو الشيء الذي لا يمشي إلا بالضرب ؟
الموسمار
صح صح صح مبروك معااك 225 مشاركه مبروك عليك
يلا انتهت الاسئله كلها لكن احنا بصرااحه مش عاوزينك علشان تجااوب ع الاسئلة بس احنا عاوزين كمان علشن ندردش معااك شويه بئا بخصوص المنتدى ونهزر مع بعض وكدا
ايوا اظهرو علي حقيقتكو

طيب بئا اكتر عضو بتحبه ف المنتدى مين هو ؟؟
اكتر عضوه بحبها ف المنتدي مشيت من زمان
ونا كمان بقالي كتير اوي مش بفتح فا اصلا كل الناس اللي هنا مش عارفيني

منين انت ؟؟
من الجيزة

اكتر عضو اتكلمت معااه ف المنتدى ؟؟
معلش بقا مش هينفع اقول اسمو سامحوني

مسجل من كتير ف المنتدى ؟؟
ايون من خمس قرون

بتحب تاكل ايه الصبح ؟؟
بطاطس مقلية وياسلام لو في كاشب

بتحب الشااى ؟؟
شور

بتحب تهزر ؟؟
الهزار دا اسهل حاجه بنطلع فيها الجوانا

طيب اتفضل عصير ليك ولجميع الحاضرين والمتابعين والمشاهدين



ايوة بقا طلعنا بمصلحة
عاوز شيبسي بالطماطم بقا
تسلمي يادودي ياعسسسسسل

طيب لازم بئا تشووف رسائل من اعضاء بعتنها ليك
من اعضااء مش هعرفك هما مين الا ف الحلقة الجايه
مش فاهم حاجه بس ماشي يعني

رساائل وهما
اول رساله :

انسان محترم وله حضور ونشاط ملحوظ
وبالرغم من اني معرفتي بيه سطحيه بس اتمناله التوفيق والتقدم دايما

ثانى رساله::
عضو مميز وروحه حلوه برغم انه شايل ماده فى الثانويه لقيته منشكح اوي ومش فى دماغه
بس هو كعضو معانا مميز واسلوبه خفيف فى الردود
ربنا يوفقه
بس بطلب منه يركز الايام الجايه عشان نشوفله توبيك تهنئه بالنجاح
ويقدر يتواجد معانا اكتر
الرساله التالته ::
نسان ما حصلش بيني وبينه أي تعامل

بس واضح انه قديم هنا وبقاله ييجي 5 سنين ف المنتدى

بس ما ظهرش خلال فترة تواجدي ف المنتدى غير دلوقت

اتمنى يستمر دايما هو والاسماء القديمة اللي حضرت

لأنهم بيضفوا نكهة تانية للمنتدى بتواجدهم وان شاء الله يدوم تواجده

اتمناله السعادة والتوفيق ف حياته داخل وخارج اسوار المنتدى

رابع رساله ::

شب محترم وتمام ودمه خفيف بس بيزودها حبه مع البنات
بطريقه مستفزة شويا عايزة يركز فى مستقبلة
شويا ميستهترش بكل حاجه حوالية
بكرا هيعرف قيمه الدرجه اللى هضيع منه
بس كفاية عليه كدا :×_×

شكرا ليكم يا جمااعه وخامس رساله منى انا هايدى::

منورنا يا محمد واكيد انت عضو نشيط واكيد هتفضل معانا عالطول وبس

متشكر ليكوا اوي ياجمااعه بجد كلكو زوق
المنتدي دا انا حبيتو اوي ومتعلق بيه كلو ناس محترمه وناس كويسه اوي

ثانكس علي الدعوة
وبجد انا فرحان بقا
عشان الناس هتعرفني اهي وهاجيب فانز ولايكات بالعبيط علي افاكي يادودي

نورتنا والله يا محمد وكنت لطيف اوووووى وياريت الاسئله تكوون حلوه
نورك والله ياهايدي
اكيد طبعا والله الاسئلة لذيذه اوي انا كنت مفكرك هتنفخيني عشان انا اول واحد وكدا بس طلعتي حنينه
شكرا
باي

باى ورحمة الله وبركاته يا اخويا الله يرحم ولا بلاش




بصي بقا بجد عشان ابقا صريح معاكي قبل مقفل انا جبت حبة من جوجل ماشي بس كدا ضميري ارتاح
سلامو عليكو ياحبايبي