[აα∂ Ԑγεა]

هتلاقي من البيب بيب اللي يقولك جم علشان فرحانين ببطولة !
وشوف جمهور فلان حضر قد ايه بعد ما خسر بطولة
مع انه جمهور الزمالك فرقته عدت بكبوة 10 سنين كاملة
وفضل مساندها ووراها لاخر نفس رغم كل الهزايم اللي مر بيها في حياته
جمهور كان له 7 سنين ماخدش دوري وملأ استاد القاهرة ب ال 80 الف مشجع
غير اللي مدخلوش وقت نهائي كأس 2011 ورغم انه خسر الماتش !
الا انه في نفس الاسبوع رجع وملا الاستاد من اول وجديد يحتفل بناديه عادي جدا !

هتلاقي بيب بيب يقولك عاملين اغاني علشان دوري وهاهاها ومحرومين وبتاع
امال لو اخدتوا الدوري 10 سنين ورا بعض ولا افريقيا هتعملوا ايه هاهاها ؟!
مع انه في نفس السنين العجاف اللي مر بيها النادي من غير بطولات
نزلت " البومات " كاملة مش اغنية ولا 2 ولا 10 ولا 20 من نفس الجمهور لنفس الفريق !

هتلاقي بيب بيب يقولك فلان اخد الدوري 12 سنة معرفش ايه
وانتوا بتحتفلوا بال 12 لسه !
مع انه نفس البيب بيب دول لما تكون حاجة ضدهم زي سداسية تاريخية مرتين
كانوا بيقولوا دي من ايام جدي وجدك وورينا فيديو للاهداف لو تعرف
ومع انه نادي زي الستي احتفل بالدوري ال 4 له السنة اللي قبل اللي فاتت
وتشلسي احتفل بال5 له السنة اللي فاتت
ومكنش في بيب بيب من اندية تانية يقولوهم بتحتفلوا ليه


هتلاقي بيب بيب يقولك الحرمان وحش وبقالكم قد ايه ماخدتوش بطولات
لان كل علاقتهم بالكورة هيا كدة وميعرفوش يعني ايه انتماء حقيقي للفريق
مهما كانت الظروف ومهما كانت الانكسارات
ميعرفوش ليه لحد اللحظه جمهور ليفربول بيشجع فرقته مع انها بقالها 23 سنة بلا دوري
يمكن لو شافوا جمهور ليفربول يضحكوا لانهم علاقتهم بالكورة اقل من المستوي دا بكتير

ببساطة حب الزمالك لوحده بطولة وانتماء لا يعرفه الا اللي الي بيفهم
باختصار البيب بيب وانا مليش في الكورة بس زمالكاوي مش في قاموسنا
مبروك يا محمود ,
ونصيحة لو قابلت بيب بيب متتعبش نفسك معاه