عاشقــة وغلبانــة
نظرتها تدوخ مشيتها تضيع ضحكتها فتانة
وف كـل مــرة جمالهــا يزيــد
نظرة تسحر ضحكة تإسر قلوب ف الحب حيرانة
رقة تجذب كل عاشق عنيــد
يا حلو يا معدي اقف شوية وهدي ده الروح عاشقة وغلبانة
ونفسها تخلص شوق قديم وجديد
لو تؤمريني ف ثانية تلاقيني لو ف إيديا افتـح للحــب دكانــة
واعمل للقلب ورسايل حبه بريــــد
اتكسفت اني اعاكسها وف قلبي حابسها وحاسسها اجمل انسانة
ولا طايل سلام منها ولا لمسة إيــد
استناها عشان اشوفها واما بشوفها اروي بنظرتي ليها عيوني العطشانة
وقلبي اللي ف حبه ولهان وحيــد
فاتت الأيام تاهت مع الزحام فرقت الأيام بيننا وفضلت الذكرى عايشة جوانا
لسه باقي كل مكان على حبي شهيد
مدرستي وشارعها الطويل كل خطوة ليها اثر جميل ذكريات ما تتنسيش للأمانة
يمكن بنسى تفاصيل بس مقدرش انساكي اكيد
10 سنين فاتوا على الغياب ولسه حقيقة حبك بتمحي السراب وغدر أحبة وخيانة
لسه ف نفس المكان كل يوم أنا وصورتك وقلبي الوحيد
شــــــــــــــــــــــــــــــــــــــــــ . حـــــــــــــــــــــــــــــــــــــــــــ
|