[Dr. AnOosHo]

ونكمل تاني جزء من ياريتني فضلت صغيرة .... مشيت الداده اللي كانت بترعبنا وجالنا مصاص الدماء ... بس المرة دي هنديه كانت تاخد اكلنا وتحبسنا في الاوضه وتخبي الاكل في السافون بتاع الحمام كنا بنترعب منها جدا حتى اخويا كان بيموت من الخوف منها هههههههه في يوم ماما رجعت بدري من الشغل ودخلت فجاه عليها لقت الاكل كله موجود جوا السافون قررت ترجعها المكتب وتجيب غيرها وهي ماشيه اخويا قفشها لابسه 6 فساتين على جلبيات على بيجامات من بتوع ماما تحت الهدوم ههههههه كانت مفتريه لحد ماجه نصيبنا اخيرا في واحده اسمها ليلى مسلمه كنا بنحبها قوي لدرجه ان اخويا الصغير كان بيقولها ماما لحد ما ماما بطلت له الكلمه دي واحنا كنا كبرنا شويه يعني مش مضطرين قوي لداده لحد ميشوفوا غيرها بس انا فاكرة كنت زعلان قوي عليها دخلنا المدرسه ومن وانا في ابتدائي خايبه خيابه التنين ههههههههههه عندنا اتنين دحيحين واتنين دماغ انا واخويا الكبير مواليد شهر 3 ضايعين والاتنين التانيين كانوا فظاع في المدرسه كنا فاشلين لدرجه ان كل مطلع مرحله يجو مدرسات اختي ويشتكوا مني ولازم كل يوم اسمع نفس الاسطوانه انتي ليه مش زي اختك .... ليه خايبه كده ؟؟؟؟ امتحان العربي كان مقسم لتلات اقسام انا اشوف اكتر ورقه جايبه فيها درجه وافك باقي الورق من الدبوس واخلي بابا يوقع عليها ... في مرة كنت جايبه 3 من 10 في الاملاء المدرسه قفشت ان الدبوس مفكوك عن مكانه قالت لي بابا شاف الورقه دي ؟؟؟ قولت اه طبعا انتي عايزاه يوقع كل ورقه ؟؟؟؟ قالت طيب انا حسال اختك يومها قولت بس طبلت يا معلم ويومي اسود واختي مش حلوة وتخبي لا دي اكبر واحده تفضحني .... بعتت المدرسه يندهوا اختي من الفصل بتاعها ... وحدث مالم يكن بالحسبان >>>>>

]