[.Lamar]

مش هقدر اما افتكره اقول عليه يوم عادى
طبعا انا كنت طفلة هادية و كيوت كدة
و محدش يقدر يقول غير كدة
فى يوم من ذات الايام كنت فى الحضانة عادى زى كل الاطفال و كان الكلاس تبعنا كله ترابيزات مدورة حواليها كراسى صوغننة على قدنا وقتها
و كان من عادة الميس انها تطلعنا شوية فى الجاردن لو الجو كويس
نلعب باة و نشم هوا
المهم تقريبا يومها الوضع معجبنيش
مش فاكرة ازاى كنت بفكر
نرجع للمهم
اخدت بنت معاية و دخلت الكلاس و جبت رمل من برة و حطيته فى الحوض وقفلت الباب
و فتحت الحنفية على اخرها
طبعا الدنيا عامت حتى الرسومات و القص و اللزق اللى كان متعلق كله كان بيعوم قدامى
و افتكر خير اللهم اجعله خير
انى يومها روحت بالفستان اللى كنت بلبسه تحت المريول
و شنطتى فى ايد
و معاية استدعاء ولى امر فى الايد التانية
و امى راحت تانى يوم بس اتخانقت معاهم

مش عارفة ايه فكرنى بالموقف دة انهاردة