 حبيتـــــك ف الغلــــــط
حبيتــــــك ف الغلـــط مكنتـش عايــزك إنتـــي
عشان مليش إخوات بنات كنت معتبرك أختي
ده أنا ياما رفضت إني اختار
ولا عمري خدت ف حب قرار
من تعاملي معاكي عمري ما اتخيلت إنك تبقي حبيبتي
ف لحظة بقيتي ف نظري وحدة تانية
سنين مخاويكي وبقيت عاشقك ف ثانية
كنت مش حاسس حبك ودلوقتي بموت لو عني غبتـــي
مكنتش شايفك حلوة وأتاريكي قمر
مكنتش شايفك أصلا كنت عديم النظر
دلوقت شايفك بكل الناس روحي وعمري حبيبتي وأختي وبنتــي
ياما اخترنا صح ولا نابنا غير الجرح
وحبينا ف الغلط لقينا الإختيار صح
حب ماشي بالمقلوب تاعب عقول وقلوب ولا بيجرح غير اللي بحلاوته بيفتي
خلاني ف لحظة فيه غرقت عشان ملوش وقت ظبطت مشاعره على ساعتي
ف الغلط حبيت واتحبيت ولقيت اللي طول حياتي اتمنيت إنها تبقى حبيبتي
كنت ف خيالي شايفها وقدامي ومش عارفها واتفاجئت إنها كانــت إنتـــــي
شــــــــــــــــــــــــــــــــــــــ . حــــــــــــــــــــــــــــــــــــــ
|