[شاعر الحب الحزين]

مــش بإيدينــا نعيـش اكتـر مـن المتقـدر لينـــا

زي ما لينـا حيـاة بنعيشها لينا موت مكتوب علينا

وزي ما فارقنا ناس وغلبنا الحزن من بعدهم ودموع عنينا

هندوق من نفس الكاس ولسـه جـاي الـدور علينـا

الدنيا صحبتها مش دايمة

المــوت فيها راحـة ونعمـة

احنا ف الدنيا اغراب من التراب للتراب شويه فوقه وكتير فوقينا

شوقنا اللي غالبنا حبنا لحبايبنا هيفضلوا جوانا عايشين فينا

مش بإيدينا ده شيء مكتوب علينا وقعت مع ورق الشجر اسامينا