 أروح منيــــــن
أروح منيـــــــن يـــــا فـــــــرح عشـــان أوصلــــــك
أهــرب فيـــــن يــــا جــــــرح من ماضيك ومستقبلك
لإيمتا هكـدب واقــول أنـــا كويــــس
ده أنـا مفيش فيا غير قلب بيتنفس
جوايا صرح صبر بيتهدم وحزن بيتأسس
بأمارة إيه يا قلبي انتا لسه قلبي بأمارة إيه أنا بسألــــك
حبايبك مش حبايبك مفيش حد جنبك مين قدي اتحملك
دلني على طريق يوديني على ناس
لسه باقي جواهم الحب والإحساس
ناس تخاف عليك لما تزعل تهتم بيك مش تبعد عنك وتهملك
جربت كل الطرق قدمت كل الأسباب
ولا نابني غير غرق في بحور سراب
وشوية كلام وورق ما فيهم غير عتاب
يا أيامي فين أيامي يا عمري عدي فوق حطامي وانا هكملــك
يا ماضي من العمر محسوب
كلك ع بعضك سطـر مكتـوب
الفرح فيك لشوية طفولة والصبر فيك درجة أولى والحزن واخدك من أولك
يا عارف طريق البسمة خدني ف طريقك
عرفني ع صاحبك ياللي انتا الفرح صديقك
خدني من زحمة حروف يمكن ارجع احس واشوف واقول يا زماني ما اجملك
يمكن بعد صبر سنين اقابل ناس طيبين
يمكن يا قلبي بعد ما ملاك الحنين تلاقي رد محبتك ناس تحبك بجد وتحنلك
شــــــــــــــــــــــــــــــــــــــــ . حــــــــــــــــــــــــــــــــــــــــــ
|