[شاعر الحب الحزين]

وفيهـــا إيــــــه لـــو نبعـــــد وإحنـــا حبايـــب

ونفضــل ليـــه وإحنـا الحـب عن قلوبنا غايـب

شماتة ناس ولا يموت جوانا الإحساس

لا إنتي اخترتيني ولا اخترتك م الأساس

حكمتنا الظروف رسمتنا الحروف ف حكاية حب شايب

بنجامل بعض بكلمة حلوة قدامهم

نبان عشاق لو كان ع الحب كلامهم

ولما نكون لوحدنا ييجي الحزن عندنا ومعاه هم ومصايب

معنديش شيء جميل أبينـه

قلبي قسي ومش قادر أحننه

اخلاصنا وفائنا لسه اطفال بيسننوا

حبنا لسه بيحبي شوقنا فينا متخبي وأملنا فيهم خايــب

احنا ف الحالتين بعاد لو نبعد ولا نقرب

احنا مجرد قلبين الحب عنهم تاه واتغرب

نصيبنا تجمعنا علاقة حب ومفيش بيننا أي حب وعجايـب

وفيها إيه لو نبعد ونصلح اللي اتكسر

نرتاح من جراح ويبقى الكره ملوش اثر

ده الشمس لو غابت يظهر مكانها القمر

لازم نغيب لازم نفارق يمكن يرجع حب غارق مشفش القارب

كل شيء قسمة ونصيب كل جرح وليه طبيب

مفيش شيء بيستمر فيها إيه لو نبعد ونغيب من غير ما نعاتب

ومش هننسى إننا كنا حبايب عشان عمرنا ما كنا ف يوم حبايب



شـــــــــــــــــــــــــــــــــــــــ . حـــــــــــــــــــــــــــــــــــــــ