المكتوب مكتوب
لفيت دروب ومشيت دروب
وأتاري المكتوب مكتوب
قسيت ع قلوب ونسيت قلوب
وأتاري المكتوب مكتوب
شربت الكاس عاشرت ناس
مفيش وراهم غير ذنوب
بيعيبوا اللي منهم وعيبهم إنهم
كلهم عيوب كلهم عيوب
دنيا تزبط بغش وجرح واللي عاشها صح
مشيت معاه بالمقلوب
فرعون قال إنه رب الكون وربنا عرفه هو مين بيكون
ولا احلى من صبر أيوب
بقالنا سنين بنشرب كاس فاضي عايشين ع ذكريات وماضي
بنحاول بأي طريقة الهروب
لو ضحكت للظالم يومين وفر ضحكتك انتا لبعدين
ما هياخد منها معاه قالب طوب
سبحانه اللي عالم بحالي قادر يهديني ويريح بالي
قادر يجيب حقي ما يسيبنيش مغلوب
لحكمة عنده اتأجل وعده لذنب عندي ورحمة عنده
وراضي بحكمه ومش بعترض ع المكتوب
دي دنيا مش جنة بالنسبة للاخرة رنة لا بسمة دايمة ولا ونة
لا دايملك صاحب فيها ولا محبوب
خلي اعمالك هي راسمالك دي هي بس اللي دايمالك
وف رحمة ربنا تتخطى كل الصعوب
عارف الشياطين كتير بس فوقنا وفوقهم رب كبير
بدعوة باستغفار يمحي بإذنه كل الذنوب
تغلط لنفسك تصلح لنفسك تتعب لنفسك ترتاح لنفسك
ولا هتغيــر حاجــة مـــن المكتـــــوب
شــــــــــــــــــــــــــــــ . حــــــــــــــــــــــــــــــــــــــ
|