H كل سنة وانتي طيبة h
بتفكرني فرحة العيد بفرحة يوم ما اتقابلنا
لا كانت فرحتي اكبر يوم ما لقيتك
كانت بسمة تخجل نظرة تضحك أمنيات بتسألنا
ومكنتش عايز حاجة عشان خلاص حبيتك
بقيتي عيدي ف كل عيد حتى واحنا بعاد ولا داري حد بحالنا
بس انا والله لسه بحبك وعمري ما نسيتك
رابع عيد وقلبي وحيد وما نسيتك ف أي عيد
تاني سنة ولسه زي ما أنا شايفك حبي الوحيد
مكنش وعدنا مكنش حلمنا تاخدنا سكة حزن وتنهيد
كنت عايزك معايا حبيبتي للنهاية ولسه حبيبتي اكيد
حتى لو مش جنبي طيفك ساكن قلبي شايفك ف كل حلم جديد
قلوب كتير وناس كتير حاولوا من بعدك يعوضوني
لا قدروا يلفتوا انتباهي ولا قدروا من حبك ياخدوني
كل عيد كل يوم كل لحظة وإنتي طيبة
معايا مش معايا لو كنتي بعيدة ولا قريبة
هتفضلي حبيبتي اللي اختارها قلبي قبل ما تشوفها عيوني
شهرين جمعونا سوا سنتين بعدونا هوا
ولسه كل يوم بيوحشني لسه قلبك حبيبي لسه عنيكي بيوحشوني
كل سنة وانتي طيبة وانا لسه عندي أمل إني هقابلك ويارب ما تخيب ظنوني
شـــــــــــــــــــــــــــــــــــــ . حـــــــــــــــــــــــــــــــــــــ
التعديل الأخير تم بواسطة شاعر الحب الحزين ; 09-24-2015 الساعة 09:26 AM |