راحـوا حبايبـــي
راحوا حبايبي اللي كانوا بيفتقدوني لما أغيب
بعدتهم الأيام خدتهم أوام فاتتني بعدهم غريب
ياما نفسي اعرف إيه أخبارهم
بسأل قلبي لو طيف شوقي زارهم
مقدر ظروفهم وعلى عيني أعذارهم
بس بجد وحشوني الأهل والخلان والصاحب والحبيب
دلوقت مع ذكرياتهم بعيش حياتي
ولا قادر احدد مستقبلي وأمنياتي
يا ترى وحشتهم ومشتاقين زي حالاتي
هما طيبين هما حنينين وبعادهم كان قسمة ونصيب
طال غيابهم طالت وقفتي على بابهم
طالت ليالي وحدتي ولا دمعي جابهم
فداهم انتظاري أيام عمري ع حسابهم
لو رجعوا هيلاقوني لو غابوا اكتر هيوحشوني وصعب حبي يوم يغيب
الزمن هو الزمن صعب يوم يتغير
احنا اتغيرنا وكبرنا مين بيفضل صغير
بس الذكرى باقية وبنعرف قيمتها متأخر
واللي حبيناهم وصاحبناهم لسه في القلب ذكراهم بتمحي الجو الكئيب
شــــــــــــــــــــــــــــــــــــ . حــــــــــــــــــــــــــــــــــــــ
|