علمـــوك تحبهـــا
علمــوك تحبهــا وأثبتت إنك أشطـر تلميــذ
خلــوك تشتاق لها تحس طعم الحياة لذيذ
علمـوك ونسيــوك وفاتــوك ملهمش غالي ولا عزيز
بقــوا يشوفــوك يبعــدوا عنــك
لو تقــرب منهــم يتداروا منـــك
وياريتهم ما علمــوك وياريتك ما كنت لعلامهـم تلميــذ
علمـــوك مـا تشوفــش حــد غيرهــم همــا
علمـوك أحلـى الكلام من غير ما ينطقوا كلمة
عنيهـا علمـوك تحبهـا تعشق منها النظرة والبسمة
وإنتا عنيك علموها إيـه يـا قلبـــي
علموهـا تبعـد ومـا تبقــاش جنبي
واهي مشيت وخدت اللي علموك وسابتك ف سكة ضلمة
على قد ما عشقتهم على قد ما صورتهم في خيال ورسمة
ما نابك منهم غير غيابهم
ولساك بتبكي على بابهم
عايزهم تاني يعلموك عايزهم تاني يجرحوك ويسيبوا احساسك ف أزمة
زي العلام ف بلادنا بيضيع هدر تعب أولادنا وبياخدوا الشهادة ف حضن وضمة
احضن عنيها ف خيالك خليها ذكرى حلوة ف بالك
وان رجعت خلي عنيك تعلمها إن العيون بتعلم قلوب من غير ما تنطق كلمة
النظرة منهم تساوي ألف نظرة من غيرهم علمهم يا قلبي إن الحب نعمة
شــــــــــــــــــــــــــــــ . حــــــــــــــــــــــــــــــــــ
|