عقليات كنا زمان سابقين في كل المجالات
اول امة تعترف بالحريات
بس الحرية دي ليها شروط
احترام.. وايمان مظبوط
مش كلام اعلانات
كل الاوضاع ..خايبة ومؤسفة
عقليات... تقدر تقول متخلفة
والكدب اصبح اعتيادي
والبجاحة والتمادي
ولا كلمة واحدة منصفة
وفي الغلط وشنا مكشوف
ولا تقدر توصفنا حروف
ولا حاسين تأنيب ضمير
وبنندم علي المعروف
العيب مبقاش بيشغل حد
والهزار داخل في الجد
واللي صوته عالي يكسب
ومحدش بيسمع حد
|