علــــــى فكـــــرة
علـــى فكــــرة مـــات الإحســاس والفكـــرة
لا حب ولا فرح شفناهم إلا ف ألبـوم الذكـرى
بنعافر عشان نعيش الحاضر وربنا يستر من بكرا
ولسه بنحاول نصدق إحساسنا الكداب
سطور بتبتسم وشعور بينقسم عذاب
قد ما نفرح قد ما بنداري جوانا سر إننا هنبقى ف يوم ذكرى
وادينا عايشين وماشية الحياة والدنيا سكرها قليل بطبعها مرة
على فكرة الدنيا مش حلوة زي ما زمان قالوا
فيها الغلبان ملوش مكان متقطعة حبال أوصاله
فيها الصريح مظلوم جريح فيها الظالم كترت رجاله
فيها الجمال اتكشف فيها الحال اتوقف للي دايما في حاله
يا دنيا عرفنا نقطة ضعفك بس مش قادرين نفلت من كفك
غرورة كدابة ده بس وصفك واللي رايدك لازم تسيء لأجلك أفعاله
مهما تصعبي الحياة عليا مش هتشوفي دموع ف عنيا
أنا راضي بكل قدر ونصيب أنا فيكي واحد غريب شال فوق طاقته واحتماله
مش هلجألك أبدا يوم مش جايز ف ده اليوم أبقى ذكرى وعبرة للي قالوا
شــــــــــــــــــــــــــــــــــ . حـــــــــــــــــــــــــــــــــــــــ
|