كتَّر ألف خير....
كل اللى عاش فيكى الوهن... وداق مرار طعم العفن
كل اللى صبر.. ودفع من عمره التمن
يا إما يموت فيكى قتيل... يا إما يجيلك ف الكفن
يا إما يموت كل يوم ف الغربة ويفنيه الزمن
يا أم الغلابى والطيبين..... بشم فيكى ريحة الأمل
وأقول اللى جاى بكرة أحلى... أكيد هندوق فيكى العسل
ودَّو عسلك بس فين... مبقاش فيكى غير الحنضل
ورغم المرار اللى ف حلقنا.. قادرين نعيش ونكمَّل
ولحد امتى يا أمنا...... خلاص الصبر فينا نفد
لو فيكى حضن يضمَّنا .... مكنش القريب عنك بعد