 طبــــع فيــــا
طبـــع فيـــا أحــب اللــي مــش ليـــا
اسأل عن اللي عمره ما بيسأل عليـا
اتقل على اللي بيسأل عني
للي ما بيسمعش اقول واغني
أخوف اللي كل همه يطمني
واطمن اللي مخوفني واعامله بكل حنية
طبع فيا أعيش عمري للدنيا
وعارف انها ممكن تغدرني ف ثانية
قدامي اعدائي وبجيبها ف ناس تانية
ولا بمسح دموع غير اللي بيحلالهم دموع عنيــا
أزعل اللي بيحبني وأحب اللي يزعلني
أنفض للي بيهتم بيا وأهتم ف اللي بيهملني
أعيب على الطيب واعلي ف اللي بينزلني
أجامل ناس ملهمش عليا جمايل غير إني أبقى ليهم ضحية
ناس بستكتر السلام عليهم وناس بيسلموا عليا بعنيهم
وناس من بعيد بيسلموا وناس بيقربوا ببعد ولا بمد ليهم إيديــا
ولما اتغير الوضع اكتشفت إنه مكنش طبع كانت مصالح شخصية
شــــــــــــــــــــــــــــــــــ . حــــــــــــــــــــــــــــــــــ
|