[αЛαstoOorα]

آنهاردة يوم عجيب
والبنطلون مكنش مكوي
والدنيا كانت مغيمة
والقهوة من غير وش !
والواد عزيز جالي
والفرحه مش سيعاه
عشان البت اللي
بيحبها حنت عليه
وقالت آنها عوزاه
مع آنه دايب فيها من سنة
ونص وهي كانت مطنشاه
وسحر صحبتها من
سنين دخلت عليها
بدمعتين والدبلة فآديها
ويعيني عليها الفراق كان
نصيب حبها الآسطوري
كانت بتحلم بعريس
يجبلها فـ الشقة كابنوري
والقهوة من غير وش !
بس الحقيقة بعيدة والدنيا فيها
آحوال وساعات بكون رايق
بكتبلي كام موال .
.آهو يخرجوني من زهقي وخنقتي
بحلم آعيش فـ كوكب غير الآرض
مفهوش من البشر آنواع
وآكمل حبي اللي عشت حكايته
وسنينه كلها فـ آوهام
وآشتغل طيار لمدة ساعة
عشان آقرب مـ القمر
وآرتاح مـ السهر فـ حلم ياخدني
بعيييييد عن كل البشر
وآعيش فـ حلمي محسبلهاش
وآشرب سيجارة
من آيد آبويا
مشربتهاش
وآغطي نفسي ببطانيه 8 كيلو
تبقالى حاجز
بيني وبين كابوس متعاش
والقهوة من غير وش !
لكن الحقيقة غش !
فاكرة ياسـ .... لما كنا مآنتمين؟
يوم مابوستك من .... ؟
والعرء سلم وصال اللهفة والآشواق
ولاوني كنت ساعتها بهرج
وعايشها معاكي بضحكة وكلمتين
.بس تفتكري آيه اللي كان بنا
يخليني آفكر فـ الفرح والدبلتين؟
متحزنيش وتبكي ع اللي راح
هو اللي راح بس آنتي اللي بقيالي؟
مفيش فـ الزمن دا غالي .
.حتي الصحاب بقت المصالح لعبتهم
آغلي مافي الدنيا ياآمي هي
آنتي كان نفسي
آقابل فـ الزمن بنت
فيها حنيتك
تخاف عليا آكتر منها وتكون
معجونة برقتك
لكن الحقيقه غش
والقهوة من غير وش !
واحنا مش هنضيع ومش هنسلم
لآي ظروف ولو الآمل مخطوف
لسه بنحلم بآنتصار .
.فوق الرايات مكتوبة
والآغنيات تتقال
دايماً يامصر عمار
والشعر مني بيخرج
من غير حساب
شاب مجنون آنا
وفـ الفلسفة
عجوز وشاب
واهو دا حالك ياوطني
داخل فـ ميت حكاية لا نعرف
آمتي هترسي ولا نعرف
فين النهاية
لكن الحقيقة غش
والقهوة من غير وش !

هلوسة شاعر !
المنشاوي