[شاعر الحب الحزين]

يوم عن يوم عم تكبر فيني الغربة

عم يمضي العمر وأيامه شو صعبة

ما بيخطر شي على بالي

غير إني إبقى بهمي لحالي

ما لقيت اللي يفهمني ويحسسني بالمحبة

عم تشرق الشمس وتطلع كل يوم

ولسه عم اصحى من وجع مو من نوم

عايش غصبا عني ما ضل لقلبي بالحياة رغبة

كل يوم بينصدم قلبي بالحبايب

ومتى رح يرجعلن الحب الغايب

عم يركض العمر ما ضل عندي صبر يكفي هاللعبة

بالشارع وحيد بالبيت وحيد

حتى بأحضان الحبايب وحيد

القريب مني عن قلبي بعيد

راح الحب وما رجع مش باقي الا جروح ووجع وما بيشفيهم أطبة

ما عدت اهتم بالحياة لا بغضب ولا أنفعل

قلبي أبيض ومن أثره الشيب بالراس بيشتعل

ما كان بإيدي ضل صغير واقفل على عمري بقفل

كبرت متل باقي البشر ولإني كبرت بين البشر كبرت في قلبي الغربة



شـــــــــــــــــــــــــــــــ . حــــــــــــــــــــــــــــــــــــ