صـــورة مكســـورة
صــورة مكســورة ومفيش حد في الصورة
اللي خدها عشان يجمعها
واللي بينضف فيها وبيلمعها
واللي كتب عنها اغنية وبيسمعها
واللي شافها ومشي وسابها ذكرى مهجورة
اللي خدها يجمعها اتكسرت أمنياته
اللي حاول ينضفها بقت قذرة حياته
اللي كتب عنها ماتت معاني كلماته
واللي سابها هو الكسبان في كل أهل المعمورة
ولا حد شاف الصورة مكتملة غيره
وأتاري الصورة مكنتش عايزة حد غيره
واللي اتعلق فيها مشيت هيا بعكس سيره
لا قدروا يجمعوها ولا ينضفوها ولا يكتبوها ولا بانت ليهم الصورة
أيوة هي الدنيا مجرد صورة مكسورة ومفيش أي ملامح ف الصورة
شـــــــــــــــــــــــــــــــ . حــــــــــــــــــــــــــــــــــــ
|