[شاعر الحب الحزين]

اللي راسم شيطان وبيقول إنه راسم ملاك

عايزني أصدق كلامه وأكدب رسمته

واللي في يوم قاللي أنا ع الحلوة والمرة معاك

ف الحلوة عرفني وف المرة رجع بكلمته

وعجبي لما الغريب يتمناك والقريب يبعد وينساك

ولما ترضى باللي عمره ما يرضى بقسمته

لما تخاف على زعله وتشوفه بيضحك للناس هناك

وييجي قدامك يوفر كلامه يستخسر فيك بسمته

لما تعمل بأصلك للي يقل بأصله لما تخلص لناس بايعاك

يبقى حلال فيك يجرحك اغلاهم عليك وتغيب رحمته


الجــرح علمنــي إني لو سبت حد يظلمني

هيبقى الظلم مدرسة والكل بقسوة هيعلمني

وأنا عمري ما كنت ورقة كومي

ولا شيلت حد حملي وهمومي

رئيس نفسي كنت أنا من يومي

لا بشكي لحد ولا عمري نفضت للي بيشكي وبيكلمني

عشان ألمي صعب يحسه البشر وكل وجع منهم بيألمني


الجرح علمني ما اضعفش قدام مخلوق

ولا استقوى على ضعيف ف يوم

ولو مهما اتألم أداري وجعي مهما م الحزن ادوق

ولو مهما كان اليأس لابد تحلا ف يوم



شـــــــــــــــــــــــــــــــــ . حــــــــــــــــــــــــــــــــــ