زميلى عزالدين
شاب اكمل حاله للزواج يعانى من مشكلة الإختيار
مابين المحفزين والمشككين !!!!
وجدته متشتت الأفكار
سألنى كيف السبيل للمرأة الصالحه
فكتبت له هذه القصاصه تسليه وتنور طريقه
مع اعتزارى للأطباء الذين ينادون بضرورة إجراء الفحوصات
قبل الزواج .. ولعلهم على حق
إتوكل وقول يامعين=
وأدعو الله فى الصلوات=
ما دام قصدك إكمال دين=
لابد تنزل البركات=
والطيبات للطيبين=
والطيبين للطيبات=
والزينات للزينين=
والزينين للزينات=
عاوز أقول (ياعزالدين)=
برضك أشرك الامات=
فما كل المليح وحسين=
يصلح تبنى بيهو حياة=
وعشان تظفر بذات الدين=
شور الوالده والأخوات=
وشوف نسباً كريم ورزين=
وشوف الخال والأبوات=
وصيتى اليك يا عزالدين=
تلاقى كتيير اسر صالحات=
وماكُل مُلتحى ومسكين=
مثال للتقوى والبركات=
وماكل البنات سيئين=
ولا كُل البنات سمحات=
حياتنا كبيره فيها الزين=
وفيها الغافله والواعيات=
وسيبك من كلام واحدين=
تشكك وتشترط حاجات=
وما تسرح بفحص الجين=
والتحليل والجينات=
توكل واستخير بيقين=
ربك ينزل النفحات=
وبكره تجيب ولاد صالحين=
وبكره تجيب بنات صالحات=
تهانينا ياعز الدين=
ربى يبارك الخطوات=
وما دام قصدك إكمال دين؟=
لابد تنزل البركات=