منذ /12-11-2015, 07:55 PM
|
#1 |
مشرف الابداعات الادبية سابقا
| هو ده المكتوب هو ده المكتوب.... قلبى يعشقك
يدوب فى هواكى دوب.... وأخدك وأسرقك
كل اللى عدا ف عمرى كان من غيرك انتى عليا مش محسوب
أنا عمرى بس ابتدى من يوم ما شوفتك.... عليا بقى مكتوب
شوفت النهار بعنيكى انتى
والليل سهرته معاكى انتى
ولو سكتى أو جاوبتى.... بتخلى قلبى يدوب
وعشقت فيكى رقتك
جننى صوت ضحكتك
أنا همشى فيها سكتك...... ياخدنى فيها شروق وغروب
لآخر المشوار معاكى
ولو وقفتى هستناكى
أنا قلبى ده اللى بيهواكى...... دوقى بقى عشق القلوب
شوفت وشك فى القمر........ نادانى وروحتله
علمنى هواكى السهر...........أسهرله أبصله
والنجوم حوالينا تحكى.......... قصة الحيــــاة
والشوق ف القلب يوصل......... معاكى لمنتهـــــاه
خلى قلبك يدوب... مفيش حاجة تخوفه
ده الورد اللى ف خدودك... نفسى يا حبيبتى أقطفه
وأروى عطشى من شفايفك
أنا قلبى حاسك وشايفك
عطشانه زيى بتحلمى بس بتهربى
لكن معدش فيها هروب
هو ده المكتوب
هو ده المكتوب........ قلبى يعشقك
يدوب فى هواكى دوب...... وأخدك وأسرقك
|
| |