منذ /12-14-2015, 06:53 PM
|
#1 |
مشرف الابداعات الادبية سابقا
| من غير كلام من غير كلام وسط الزحـام
هتشوف وشوش متنكده
ووشوش ماليها الابتسام
من غير كلام وسط الزحـام
كل أنواع البشر
اللى راضى واللى ساخط ع القدر
اللى صابر واللى ناوى ع السفر
اللى بايع كل حاجة
واللى عايش باحترام
من غير كلام وسط الزحام
هتشوف حقيقة كل واحد
اللى خايف واللى جامد
اللى شاكر واللى جاحد
اللى ماشى فى أى زفّـه
واللى ثابت ع الكلام
من غير كلام وسط الزحام
هتلاقى ناس ترتاح لها
وتلاقى ناس بتزقها
كل حاجة وعكسها
اللى واكلها بدُقـه
واللى عايش بالحرام
من غير كلام وسط الزحام
هتشوف وشوش متلونه
وتشوف قلوب منفسنه
وادى حالنا كلنا
اللى بيفكر فى حاله
واللى عايش والسلام
من غير كلام وسط الزحام
|
| |