رسالة لحبيبتي
المقدمة:،
آجمل تحية لآحلي
قلب ف الوجـود
لآحلي وردة مزهزهه
بين الورود
لآحلي نجمة منورة
ليل الحبايب ف البيوت
بعد التحية والسلام :،
ببعت اليكي كل ما
بيشيله قلبي من كلام
حبيت يكون مرسالي
ليكي ف الهوي
فرد حمام !
ودا لآنه عارف
قصتي بيني وبينك
والآحلي آنه كمان
مبيحبش ف العيون
غيرك
آحترت آول ما اتولد
آخترله آسم يفهمني
بيه
ملاقتش غير آسمك
ياحبيبتي آنادي بيه
عليه
كنت آما آحب آكلمك
آقعد اقوله كلام كتير
وآفتحله شباك الهوي
واقوله طير يرفض
يطير!
فكرت آنه ف صغر سنه
لسه ضعيف محتاج علام
بس الحقيقه آن كلامي
وحبي فيكي حبب اليكي
فرد الحمام !
وعاهدني آنه ف يوم ما
يجي يطير ويمشي
ياخد طريقك
وتبقة عيونك هي
آول بيت يزوره
هتلاقي حرف بآسمك
آنتي
ف سلسلة مربوط
ف زوره
وجناح يمينه في لون بيشبه
لون عنيكي
اما الجناح التاني في بوطعه
سودا مدورة
واخده ملامح حسنه فوق
كف آديكي
هتلاقي جوه عيونه كلام
كتير اليكي
هتلاقي حبي ف حبهُ
فيكي
هتلاقي شوقي ف لهفته
وجريه عليكي
لو رفرفت جناحته
وهو جنبك ؟
تعرفي آنه كدا بيقول
بحبك؟
حاولي بس تفهميه
وتكلميه
هتلاقيه بيرد رد
بصوت شجن
يقصد يقولك انه جوه
غرامك آنتي آتسجن
آما آذا قطع الكلام
وغمض عيونه كآنه
نام
تفهمي آنه بيحلم يحضنك
فرد الحمام!
كل كلامي ف الورق
غالب عليه حبي وحبه
حتي رسالتي ديه
نقطة ف بحر
كلام كتير جوانا
آنتي الوحيدة اللي
ملكتي هوانا
ولآني مهما كتبتلك
ف رسايلي ليكي
من غرام
عمري ما هقدر آوصف
بين معاني حروفي
آحساسي ف كل الكلام
وعشان كدا ؟
كل حاجة بحس بيها نحيتك
عاوزة تشوفيها وتعرفيها
هتلاقيها جوه منه..؟
فرد الحمام!
والسلام ختام :.
؛
؛
آمضاء حبيبك
( المنشاوي )