 ((الأشياء التي تراها قد تبدو أصغر مما هي عليه بالواقع!))- تابع للاوكازيون -
.
.
.
في حاجات الأجمل إنك تسيبها .. ما تعش فيها .. زي كل ذكرى مُرّة خلصت وفاتت وانتهت!
ساعات الماضي لو فضلت عايش فيه بيبقى حمل تقيل بيهدك .. وبيبعد المسافة بينك وبين أي شيء نفسك تحققه .. بتختصر حياتك في ذكرى .. بتعيش في زحمة أفكار متخيل إنك بتحبها مش عايز تتخلى عنها ..
أغلب الآلام اللي بنحس بيها بسبب إن إحنا بنحاول دايمًا نربط الحاضر بالماضي .. الماضي اللي اتغير فيه مسار حياتك فجأه بسبب إنك فشلت .. والصدمة اللي لسه مصمم كل يوم تفكر نفسك بيها!
الأماكن اللي اتخلت عنك بعد ما كانت جزء منك .. والفراغ اللي سابه حد عزيز في قلبك ولسه مش قادر تملاه ..
إحنا مش في آلة زمن علشان نرجع تاني لورا ونغير في الأحداث .. كل شيء بيخلص بسرعة .. يوم بينطوي وبيتبدل بيوم جديد ..
خلي الماضي جواك عبرة .. وكل ما تنسى .. افتكر الجملة اللي مكتوبة على المراية اللي بتشوف منها كل شيء وراك في طريق حياتك ..
((الأشياء التي تراها قد تبدو أصغر مما هي عليه بالواقع!))
.
.
.
|