[السفيره عزيزه]

بسم الله والصلاة والسلام على رسول الله صل الله علية وسلم
كان المطلوب عيوب ادم فى نظر حواء .وانا بقول وطبعا بستعين
بالله يارب يجعل كلامنا خفيف عليهم ..
جيت بعنوان خليكم شاهدين .سطور بتنتقد سي ادم باشا بصورة
فكاهية اتمنى ان تنول اعجابكم ..



خليكم شاهدين
.........................
رضيت اتجوز ة يا ناس
كان شكلة طيوب وحساس
ولما جات الفاس فى الراس
انقلب وبقى حاجة تانية
يثور ويغضب فى ثانية
ويمد ايدة ويضربنى
ويعيب فيني وفى ال جابنى
ويهدد ويحلف ليسبنى .
جوزي يا ناس شكلة بوشين
الاقيها يارب بس منين
مستقوي علية بعضلاتة
وبارملي بسلامتة شنباتة
ومخوف عيالة و مراتة
وبصراحة فضيحة غلطاتة
وطلع لاصل ولا اساس
وخيب املى فيه يا ناس
شاهدين
.............
انا بت كيوتة وكتكوتة
وكمان زنانة وعيوطة
بحب جوزي يدلعنى
ويسكت ايوة ويسمعني
اومال احكي لمين يعني.
الله .
يخرج ويرزع وراه الباب
وله على القهوة كتير اصحاب
ويرجعلي يا ناس هس اسكت
ولا عاوز كلمة ولا عتاب.
اتكتم واكلم الحيطان
وشكلها هتقلب معاه بجنان
انا نفسي فى شوية لين و حنان
احس حتى معاه بامان
بدل ما ادخل فيه ليمان
شاهدين
........
الحلو ماليلي البيت دخان
ومعرفش لية ديما قرفان
يصرخ ويقولي يا ناس جعان
وصوتة يسمع الجيران
و لسة واكل دا على طول فجعان
يشكينى لاهلة واخواتة
وكمان لصحبة وصحباتة
وقلت بلاش حبيبي ارجوك.
سرنا فى بيتنا دول يفضحوك
لو مرة زعلوا او انقلبوا عليك.
يقلي اخرصي وما تنطقيش
انت اصلا ما تعننيش
وما تعيبى تانى ومسمح لكيش
كسر نفس ورخصنى
وفى حزنى وهمى حبسنى
شاهدين
..............
بسلمتوا عمرة ما ركعها
وصلة رحمة مضيعها
وبين صحابه مولعها
طيب انا خايفة منة اعيش ازاي
قلت حبيبي انت يا عمري
صلاتك لازم عشان خطري
نلاقى البركة محوطانة
وعيالنا معانا وشيفانة
تقلدنا ودي امانة
وما نخلي الدنيا وخدانا.
قال بتؤمرينى انت اياك
خليك انت مسكة فى صلاك
وحرام وحلال واخرتها معاك
وعلى جناحك ابقي خدينا وياك
تارك الصلاة يا ناس معروف
والعيشة معاة تجيب الخوف
دلونى بسرعة اعملوا معروف
وبقيت خلاص مبحبوش
واتنين زينا ما يكملوش
شاهدين
............

طبعا ادم الوحش دة مش انتم
انتم ادم دة شوفوا كدة.
............................
قطعة منك فكيف يا انا
بعين النقص اراك

تخطوا وارفل خلفك
واري الدنيا بنور عيناك

تغار علي فيرقص قلبي
وازيد دلالي لانول رضاك

ابي واخي وحبيبي وابني
انا فى كنفك وحصن حماك

رجل ان قلت وكفي قولي
واهمس همسا ان سمعت خطاك

كريم السجايا تنصت لحديثي
مبتسم الوجه غالق فاك.

تثور كالبركان ان انتقص حقي
فمن غيرك لي الاك

لا تقر عينك حتى تلبي
وتنفق بسعة ما اعطاك

وتامرني بصبر لاطيع ربي
وتتمنانى هنا وفى اخراك

نظيف اليد عفيف اللسان
كريم النفس تكف اذالك

سديد الراي يا نور عيني
واثق الخطوات ما ابهاك

ودعاء يزفك يشجى سمعي
من والديك ونعم من رباك

يااارب احفظ لي قرة عيني
واجمعنا سويا بعطف رضاك



حواء
السفيرة

https://www.google.com.eg/url?sa=t&r...LCBJ76DvZMnR0w