[شاعر الحب الحزين]

من هالدنيا الغريبة كتير شفت عند وتحدي

بهالدنيا العجيبة ما شفت حدا بيضحك قدي

ولا مرة خليت مخلوق يلمح دموع على خدي

شفت اللي بيبكي لأتفه أسباب

شفت اللي بيشكي وهو كذاب

وانا اللي قلبي انكسر وشعري شاب

ما اتعودت اشكي لحدا الصمت رفيقي وهو ردي

قالوا الطيب ميت مدفون بهالزمان

قلت مدفون قلبي بس حزني بكل مكان

وربي تعبان قلبي بس ما بترجى انسان

الغدر طبع ناسي الصبر طعم كاسي الموت قريب حدي

مهما يصورلك خيالك انا قديش حزين

رح يبكي خيالك قبل ما يعرف انا مين

ولسه في قلبي رحمة على كل مسكين

يا أيام لا ترحميني أقوى منك أنيني يا جروحي زيدي واشتدي

عمري من البداية سكرة موت

ما سمعت للراحة فيه أي صوت

فيني حزن الدنيا وقلبي أسير السكوت

وبعدي على وعدي أقوى منك يا دنيا وبعمرك ما رح تكوني قدي



شـــــــــــــــــــــــــــــــــــــ . حـــــــــــــــــــــــــــــــــــ