[انجي_1]

لما بيكون عندنا عزومة.. اكيد كلنا بنشيل همْ غسيل الأطباق وزحمة الحوض والمطبخ..

لكن ممكن بشوية تنظيم نخلص بسرعة.. اول حاجة نفصل الأطباق لوحدها والشوك والمعالق وادوات الأكل لوحدها والكوبايات لوحدها وممكن ننقعهم في الحوض مع ميّه وصابون غسيل الأطباق عشان الدهون تبقى سهلة الغسيل. نبتدي نغسل الكبايات الأول عشان ماتتكسرش وكمان عشان مش هتاخد مننا وقت لأن مافيهاش بواقي أكل او دهون صعبة. بعدين نغسل العلب او الأطباق البلاستيك (لو كان فيه).. بعدين نغسل الشوك والمعالق وادوات الأكل.. وبعدين نغسل الأطباق آخر حاجة.

جربو الطريقة دي وقولولنا!.. واكيد ممكن نخلص اسرع من كده لو الأزواج هايساعدونا في ترتيب المطبخ بعد العزومة. مش كده؟!
..
.