[انجي_1]

ريحة التلاجة ممكن تتغيّر او تبقى مش حلوة لو كان الاكل مش متغلّف كويس او بسبب اكل بايظ او بقالو فترة. ماتقلقوش..

إزاي ممكن نتخلص من ريحة التلاجة دي في خطوات سهلة.

اول حاجة نفضّي التلاجة من الأكل كُله ونشيل الرفوف ونغسلها بميّه دافيه عليها نص كباية بيكينج صودا ونص كباية خل وكمان نغسل التلاجة من جوه بنفس الخليط. وعشان نحافظ على ريحة التلاجة..لازم نحتفظ بالأكل في علب مقفولة..ونتخلص كل أسبوع من بواقي الأكل. وممكن نحط على كل رف طبق صغير فيه قهوة مطحونة.. او نستعمل طبق فحم.

الحاجات دي بتمتص روائح الأكل اللي في التلاجة.

امتى آخر مرة نضفتو التلاجة؟!.. وبتنضفوها إزاي؟!
.
.
.