[شاعر الحب الحزين]

حدوتـــة ونسيــت أمــي تحكيهالي وأنا صغيـر

وهي اللي ياما قالت حواديت عشان أنام

حدوتة حياتي اللي يوم عن يوم بتسـوء اكتــر

واللي جرحي فيها سبق اللي جاي من ايام

لا أخ ولا صاحب ولا حبيب الكل خــلاص اتغيـر

إلا وحدتي وفية ليا والفرحة خاينة بنت حرام

مش كل وجع بيتحكي ومين يسمع ومين يتأثر

فيه وجع فيه ألم قدامه يموووت كل الكلام


حواديت حزنهم اتسطرت ف كتاب حياتي

حتى اللي اتقالت من نسج الخيال

عشتها على أصول ما شفت حد زي حالاتي

مليش هوية مفيش نفسية وراحة بال

أهرب على فين منك يا دنيا واجعاني ذكرياتي

حاضر للنسيان مستقبل مجهول الحال


حدوتة ما سمعتها ف يوم وبقيت بشوفها كل يوم

ولا قادر اقولها لحد عشان يتعلم ف يتألم

ببتسم وقلبي بينقسم عيوني صاحبها السهر وخاصمها النوم

والله كويس إني لسه عايش ولسه بتكلم



شــــــــــــــــــــــــــــــــ . حــــــــــــــــــــــــــــــــــ