مش هو ده الارهاب الارهاب.. هو اللي بيقتل شباب
والي خلي الحلم شاب
والطفل في محاكم.. بيتحاكم
عشان رافض عذاب
ويكون تفكيره في بكرة الاجمل
يستاهل عقاب
هو ده الارهاب
مفيهاش وجهة نظر.. ولا امن وطني
ولا حتي قولت انقلاب
مطلوب منك بس تحس
بالطفل اللي شاب
اللي شاف احلامه سراب
اللي كل سنينه هباب
ليه لما اقولك.. ظلمك شايفه بعيني
تقول كداب
ووراك كتير.. ناس معرفش مالهم
عايشين فوق السحاب
شايفين كل حاجة جميلة..
عايزينك تبقي رئيسهم
حتي لو كنت حابسهم
ماهو الحكم الهوا غلاب
وعشان هواك.. قالو معاك
ولو تطير فيها رقاب
مش هو ده الارهاب
|