مفيـــــش ترجيـــــع
يا دنيا الحزن والجراح
فيكي الطيب بقى وضيع
فيكي علي صوت النباح
بتشتري ف الخلق وتبيع
قلت تعبت قالولي ومين مرتاح
قلت أنا ضايع قالوا ما تضيع
بيغلطوا كتير وبنرد بعفو وسماح
ولو نغلط مرة بيكبروا المواضيع
دنيا بقت زي ماتش بين حزن وأفراح
والشيطان فيها هو المذيع
الراحة ورى باب الصبر ومحدش معاه المفتاح
بالشمع الأحمر مشمع تشميع
دنيا مش حلوة بقت غنوة كلماتها قتل وسلاح
الظلم لحنها وللمجرمين فيها التوزيع
من وجع الحاضر قلت رجعولي يوم من اللي راح
قالوا اللي راح راح خلاص مفيش ترجيع
شـــــــــــــــــــــــــ . حـــــــــــــــــــــــ
|